ហាណូយ៖សារព័ត៌មានវៀតណាមបានផ្សាយថា រដ្ឋបាលនៃ រដ្ឋធានីហាណូយបានផ្អាកហាងខារ៉ាអូខេ និងរង្គសាលជាង១ ១០០ ក្នុងរយៈពេលពីរខែកន្លងមកនេះ ដោយសារតែហាង ទាំងនោះមិនមានបទដ្ឋានសុវត្ថិភាពអគ្គិភ័យ។

នៅក្នុងសន្និសីទនាសប្ដាហ៍នេះ ស្តីពីសុវត្ថិភាពអគ្គិភ័យដែល រៀប ចំឡើងដោយគណៈកម្មាធិការប្រជាជនទីក្រុងហាណូយ លោក Pham Trung Hieu ប្រធានការិយាល័យពន្លត់ អគ្គិភ័យ និងជួយសង្គ្រោះនៃនាយកដ្ឋានប៉ូលីសក្រុងហាណូយ បាននិយាយថា ទីក្រុងនេះមានហាងខារ៉ាអូខេ បារ និងក្លឹប រាំជាង១ ៥០០ នៅក្នុងទីក្រុងកុង អាន(Cong An) ។

លោកបន្តថា បន្ទាប់ពីអាជ្ញាធរបើការត្រួតពិនិត្យរួចមក អាជ្ញាធរ សម្រេចផ្អាកដំណើរការហាងប្រមាណជាង១ ១០០ ក្នុងចំណោ ម អាជីវកម្មទាំងអស់ ព្រោះតែហាងទាំងនោះប្រឈមនឹងគ្រោះ ថ្នាក់ដោយសារអគ្គិភ័យ។

នាយករដ្ឋមន្ត្រីវៀតណាមលោក ផាម មិញជីញ( Pham Minh Chinh )កាលពីខែកញ្ញា បានស្នើឱ្យក្រសួងសន្តិសុខ សាធារណៈ និងស្ថាប័នពាក់ព័ន្ធផ្សេងទៀត ធ្វើការត្រួត ពិនិត្យសុវត្ថិភាពអគ្គិភ័យ ដោយផ្តោតលើហាងខារ៉ាអូខេ សហគ្រាសដែលមានមនុស្សច្រើន និងអគារផ្ទះល្វែង។

សំណើនេះបានធ្វើឡើងបន្ទាប់ពីមានអគ្គិភ័យឆាបឆេះហាងខារ៉ាអូខេមួយកន្លែងក្នុងក្រុង Thuan An នៃខេត្ត Binh Duong បានសម្លាប់មនុស្ស៣២ នាក់កាលពីថ្ងៃទី៦ ខែកញ្ញា។ កាលពីខែតុលា អ្នកពន្លត់អគ្គិភ័យវៀតណាម បីនាក់បាន ស្លាប់បន្ទាប់ពីព្យាយាមពន្លត់ភ្លើងនៅហាងខារ៉ាអូខេមួយកន្លែងក្នុងស្រុក Cau Giay ទីក្រុងហាណូយ។ កាលពីឆ្នាំ ២០១៦ ភ្លើងឆេះខារ៉ាអូខេមួយទៀតនៅ Cau Giay បានសម្លាប់មនុស្ស ១៣នាក់។

ទិន្នន័យផ្លូវការវៀតណាមបានបង្ហាញថា ចន្លោះឆ្នាំ ២០១៧ ដល់២០២១វៀតណាមមានអគ្គិភ័យជាង ១៧ ០០០ករណី ដោយបានសម្លាប់មនុស្ស ៤៣៣នាក់ និងរបួស ៧៩០នាក់ ផ្សេងទៀត។អ្នកជំនាញប៉ាន់ស្មានថា អគ្គិភ័យប្រាំឆ្នាំ ចុងក្រោយ នាំឱ្យមានការខាតបង់លើសពី ប្រាំពីពាន់ពាន់លានដុង (២៩៧លានដុល្លារ)៕ ដោយ៖ វណ្ណ ស័ក្ដិ