តម្លៃប្រេងសាំងនៅវៀតណាមកើនឡើងជាងមុនបន្តិច ដោយសារការកើនឡើងតម្លៃសកល និងផលប៉ះពាល់នៃពន្ធថ្មី
តម្លៃប្រេងសាំងនៅក្នុងប្រទេសវៀតណាម ត្រូវបានកែសម្រួលឡើងបន្តិចក្នុងការកែតម្រូវចុងក្រោយកាលពីថ្ងៃអង្គារសប្តាហ៍នេះ ដោយសារការកើនឡើងតម្លៃសកល និងផលប៉ះពាល់នៃពន្ធថ្មី។
![](https://asset.ams.com.kh/central/media/2023/01/photo_2023-01-04_13-28-32.jpg)
ប្រព័ន្ធផ្សព្វផ្សាយក្នុងស្រុកបានរាយការណ៍ថា ការកែសម្រួលតម្លៃប្រេងឥន្ធនៈលើកនេះ ត្រូវបានប៉ះពាល់ដោយសារការកើនឡើងតម្លៃប្រេងឥន្ធនៈពិភពលោក និងពន្ធការពារបរិស្ថានថ្មីលើប្រេងសាំងដែលបានចូលជាធរមាននៅថ្ងៃទី០១ ខែមករា ឆ្នាំ២០២៣នេះ។
ចាប់ពីរសៀលថ្ងៃអង្គារសប្តាហ៍នេះទៅ តម្លៃប្រេងឥន្ធនៈជីវឧស្ម័ន RON95 ក្នុងមួយលីត្រត្រូវបានដំឡើង ៣៥០ដុង ឬប្រមាណ ០.០១ដុល្លារ ដល់តម្លៃ ២២,១៥០ដុង ឬប្រមាណ ០.៩៤ដុល្លារក្នុងមួយលីត្រ។ តម្លៃប្រេងឥន្ធនៈ E5 RON92 កើនឡើង ៣៣០ដុងវៀតណាម ឬប្រមាណ ០.០១ដុល្លារ ដល់តម្លៃ ២១.៣៥០ដុង ឬប្រមាណ ០.៩០ដុល្លារក្នុងមួយលីត្រ។
![](https://asset.ams.com.kh/central/media/2023/01/photo_2023-01-04_13-28-33-1024x682.jpg)
ចំណែកតម្លៃប្រេងម៉ាស៊ូតវិញ នៅតែមិនប្រែប្រួល គឺនៅត្រឹមតម្លៃ ២២,១៥០ដុង ឬប្រមាណ ០,៩៤ដុល្លារក្នុងមួយលីត្រ។
សូមជម្រាបផងដែរថា ក្នុងឆ្នាំ ២០២២ តម្លៃប្រេងឥន្ធនៈនៅក្នុងប្រទេសវៀតណាម ត្រូវបានកែសម្រួលកើនឡើងតម្លៃចំនួន ១៧ដង និងធ្លាក់ចុះចំនួន ១៦ដង៕
![](https://asset.ams.com.kh/central/media/2023/01/photo_2023-01-04_13-28-35.jpg)
![](https://asset.ams.com.kh/central/media/2023/01/photo_2023-01-04_13-28-34-1024x614.jpg)
ប្រភព៖ ស៊ីនហួរ ប្រែសម្រួលដោយ៖ បុត្រា