ប្រធានសមាគមទេសចរណ៍ប្រចាំកោះភូកេត ប្រទេសថៃ បាននិយាយថា បទប្បញ្ញត្តិថ្មីរបស់រាជរដ្ឋាភិបាលថៃ សម្រាប់ការមកដល់របស់ជនបរទេស កំពុងជះឥទ្ធិពល យ៉ាងធ្ងន់ធ្ងរ ដល់ឧស្សាហកម្មទេសចរណ៍។

លោក ផូកមីត រ៉ាក់តេនកាម (Phukmit Raktaengam) ប្រធានសមាគមទេសចរណ៍កោះភូកេត បាននិយាយ កាលពីថ្ងៃអាទិត្យថា សេចក្តីជូនដំណឹងចុងក្រោយបំផុត មាន៧ ចំណុច ដែលប្រកាសដោយអាជ្ញាធរអាកាសចរណ៍ស៊ីវិលនៃប្រទេសថៃ (CAAT) បានធ្វើឱ្យអ្នកទេសចរជាច្រើននាក់ លុបចោលការធ្វើដំណើររបស់ពួកគេ។

បទប្បញ្ញត្តិ CAAT តម្រូវឱ្យក្រុមហ៊ុនអាកាសចរណ៍ពិនិត្យមើលថា តើអ្នកដំណើរទាំងអស់មានវ៉ាក់សាំង Covid-19 យ៉ាងតិចពីរដែរឬទេ មុនពេលអនុញ្ញាតឱ្យពួកគេឡើងយន្តហោះទៅកាន់ប្រទេសថៃ៕ ប្រភពពី The Nation, ប្រែសម្រួលដោយ៖ សារ៉ាត