អភិបាលខណ្ឌច្បារអំពៅ សំណូមពរដល់ប្រជាពលរដ្ឋ ជួយថែទាំដើមឈើទាំងអស់គ្នា ព្រោះវាមានសារៈសំខាន់ខ្លាំងណាស់
ភ្នំពេញ៖ អភិបាលខណ្ឌច្បារអំពៅ លោក ចេង មុន្នីរ៉ា បានសំណូមពរដល់ប្រជាពលរដ្ឋ ជួយថែទាំដើមឈើទាំងអស់គ្នា ព្រោះវាមានសារៈសំខាន់ខ្លាំងណាស់ ដោយវាមិនមែនតែជាម្លប់មួយមុខប៉ុណ្ណោះទេ ដូចនេះ កុំរកវិធីសម្លាប់ ដើម្បីតែប្រយោជន៍ខ្លួនបន្តិចបន្តួចនោះ។
![](https://asset.ams.com.kh/central/media/2023/01/photo_2023-01-09_14-49-55-1024x768.jpg)
លោក ចេង មុន្នីរ៉ា បានថ្លែងដូចនេះ នៅព្រឹកថ្ងៃទី០៩ ខែមករា ឆ្នាំ២០២៣ ខណៈរដ្ឋបាលខណ្ឌច្បារអំពៅ រៀបចំពិធីដាំកូនឈើនៅមុខផ្សារថៃហួត តាមបណ្តោយផ្លូវជាតិលេខ១ ក្នុងភូមិបឹងឈូក សង្កាត់និរោធ។
![](https://asset.ams.com.kh/central/media/2023/01/photo_2023-01-09_14-49-59-1024x768.jpg)
លោកអភិបាលខណ្ឌ បានថែ្លងក្នុងឱកាសនោះថា រដ្ឋបាលខណ្ឌច្បារអំពៅ បានដាំកូនឈើសាគូរ៉ា អមសងខាងផ្លូវជាតិលេខ១ ចាប់ពីគល់ស្ពានព្រះមុនីវង្សត្រើយខាងកើត រហូតដល់ព្រំប្រទល់ស្រុកគៀនស្វាយ ក្នុងភូមិព្រែកធំ សង្កាត់ក្បាលកោះ ។
![](https://asset.ams.com.kh/central/media/2023/01/photo_2023-01-09_14-50-03-1024x768.jpg)
ក្នុងឱកាសនេះ លោក ចេង មុន្នីរ៉ា បានសូមសំណូមពរដល់បងប្អូនទាំងអស់ មេត្តាជួយថែទាំទាំងអស់គ្នាផង ព្រោះដើមឈើមានសារៈសំខាន់ខ្លាំងណាស់ មិនមែនតែជាម្លប់មួយមុខប៉ុណ្ណោះទេ ដូចនេះកុំរកវិធីសម្លាប់ដើមឈើដើម្បីតែប្រយោជន៍ខ្លួនបន្តិចបន្តួចនោះ៕ ដោយ ស៊ូ ប៊ុនធី
![](https://asset.ams.com.kh/central/media/2023/01/photo_2023-01-09_14-50-17-1024x768.jpg)