អ៊ីស្លាម៉ាបាត៖ ប្រទេសប៉ាគីស្ថាន កាលពីថ្ងៃអាទិត្យ ទី១៥ ខែមករា ឆ្នាំ ២០២៣ បានចាប់ផ្តើមយុទ្ធនាការប្រឆាំងជំងឺស្វិតដៃជើង ជាលើកដំបូងរបស់ខ្លួន ប្រចាំឆ្នាំ ដោយផ្តោតលើកុមារ ៤៤.២ លាននាក់ អាយុក្រោម ៥ឆ្នាំ។

ប្រទេសប៉ាគីស្ថាន និងអាហ្វហ្គានីស្ថាន គឺជាប្រទេសតែពីរគត់ក្នុងពិភពលោក ដែលជំងឺស្វិតដៃជើងនៅតែបន្តគំរាមកំហែងដល់សុខភាព និងសុខុមាលភាពរបស់កុមា រ ប៉ះពាល់ដល់ប្រព័ន្ធសរសៃប្រសាទរបស់កុមារ។

នាយករដ្ឋមន្ត្រីប៉ាគីស្ថាន លោក សាបាស់ សារីហ្វ (Shahbaz Sharif) បានចាប់ផ្តើមការជំរុញទូទាំងប្រទេសដោយការគ្រប់គ្រងវ៉ាក់សាំង ប៉ូលីយ៉ូ ដល់កុមារនៅក្នុងរដ្ឋធានី អ៊ីស្លាម៉ាបាត (Islamabad) ដោយនិយាយថា ប៉ាគីស្ថាន ជាអកុសល ស្ថិតក្នុងចំណោមប្រទេសមួយចំនួនដែលនៅតែទទួលរងពីជំងឺនេះ។

លោក សារីហ្វ បាននិយាយថា មានករណីចំនួន ២០ ត្រូវបានរាយការណ៍ នៅក្នុងតំបន់ វ៉ាសឺរីស្ថាន (Waziristan) ខាងជើងកុលសម្ព័ន្ធ ក្នុងខេត្ត ប៉ាកថាំងខ្វា (Pakhtunkhwa) ប្រទេសប៉ាគីស្ថាន កាលពីឆ្នាំមុន ទោះបីជាជំងឺនេះមានក្នុងចំណោមកុមារ ដែលទទួលបានភាពសុំា តាមរយៈការចាក់ថ្នាំបង្ការ ក៏ដោយ។

កុមារប្រហែល៤៤ លាននាក់ នៅក្នុងតំបន់ ចំនួន១៥៦ កន្លែង នឹងត្រូវបានចាក់ថ្នាំបង្ការ។ នេះរួមបញ្ចូលទាំងកុមារ ជាង២២លាននាក់ នៅខេត្ត ផាន់ចាប (Punjab), ជាង១០លាននាក់ នៅខេត្ត ស៊ីដ (Sindh) និង ជាង៧លាននាក់ នៅក្នុងខេត្ត ប៉ាកថាំងខ្វា (Pakhtunkhwa) ៕ ប្រភពពី CNA ប្រែសម្រួលដោយ៖ សារ៉ាត