ភ្នំពេញ៖ អង្គភាពប្រឆាំងអំពើពុករលួយបានឱ្យដឹងថា៖នាព្រឹកថ្ងៃទី ២១ ខែមករា ឆ្នាំ២០២៣នេះ ឯកឧត្តម គង់ វិបុល ប្រភិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានអញ្ជើញមកបំពេញកាតព្វកិច្ចប្រកាសទ្រព្យសម្បត្តិ និងបំណុល តាមរបប ០២ឆ្នាំ សម្រាប់ឆ្នាំ២០២៣ នៅអង្គភាពប្រឆាំងអំពើពុករលួយ។

បើតាមការបញ្ជាក់ឱ្យដឹងពីសំណាក់ អង្គភាពប្រឆាំងអំពើពុករលួយបានឱ្យដឹងដែរថា៖ នៅសល់ ១១ ថ្ងៃទៀត ការប្រកាសទ្រព្យសម្បត្តិ និងបំណុល នឹងត្រូវបានបញ្ចប់។

គួរបញ្ជាក់ថា៖ក្រុមការងារនៃនាយកដ្ឋានប្រកាសទ្រព្យសម្បត្តិ និងបំណុល រង់ចាំទទួលឯកសារប្រកាស 07ថ្ងៃក្នុងមួយសប្តាហ៍ ពីម៉ោង ៨ ព្រឹក ដល់ម៉ោង ៥ ល្ងាច ដោយមិនឈប់សម្រាកថ្ងៃសៅរិ៍ ថ្ងៃអាទិត្យ និងថ្ងៃបុណ្យឡើយ ។

សូមបុគ្គលជាប់កាតព្វកិច្ចប្រកាសទ្រព្យសម្បត្តិ និងបំណុល អញ្ជើញមកធ្វើការប្រកាសស្របតាមច្បាប់កំណត់ឱ្យបានរួសរាន់ និងបានទាន់ពេលវេលា ៕ដោយ៖ម៉ាដេប៉ូ