បាងកក៖ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា ដែលកំពុងរត់គេចខ្លួន បានទទូចថា ការវិលត្រឡប់របស់លោកទៅកាន់ប្រទេសថៃនឹងមកដោយគ្មានជំនួយពីភឿថៃ ឬ គណបក្ស ប៉ាឡាង ប្រាឆារ៉ាត (Palang Pracharath) ដែលកំពុងកាន់អំណាច
ហើយនឹងត្រូវបានប្រកាស ដោយកូនស្រីរបស់លោកឈ្មោះថា ប៉េតុងតាន (Paetongtarn) ។

លោក ថាក់ស៊ីន បានធ្វើសេចក្តីប្រកាសចុងក្រោយស្តីពីការវិលត្រឡប់ទៅកាន់មាតុភូមិរបស់លោក ក្នុងអំឡុងពេលពិភាក្សាមួយ នៅលើកម្មវិធីប្រព័ន្ធផ្សព្វផ្សាយសង្គម ក្លឹបហោស៍ (Clubhouse) កាលពីយប់ថ្ងៃអង្គារ។

ការណ៍នេះបានកើតឡើងចំពេលមានពាក្យចចាមអារ៉ាមថា បក្ស Palang Pracharat និង បក្សភឿថៃ Pheu Thai បានធ្វើកិច្ចព្រមព្រៀងមួយ សម្រាប់លោកថាក់ស៊ីន Thaksin ដើម្បីត្រលប់មកវិញបន្ទាប់ពីការបោះឆ្នោតសកល ដែលគ្រោងធ្វើនៅក្នុងខែឧសភា៕

ប្រភពពី The Nation ប្រែសម្រួលដោយ៖ សារ៉ាត