នីកូស៊ី៖ លោក នីកូស គ្រីស្តូឌូឡាយស៍ (Nikos Christodoulides) ចូលកាន់តំណែងជាប្រធានាធិបតីក្មេងបំផុត របស់ប្រទេសស៊ីប បន្ទាប់ពីបានឈ្នះការបោះឆ្នោត។

លោក នីកូស គ្រីស្តូឌូឡាយស៍ ប្រធានាធិបតីថ្មីរបស់ប្រទេសស៊ីប ដែលទើបជាប់ឆ្នោតថ្មី បាននិយាយ អំឡុងពិធីប្រកាសពីជួយជំនះរបស់លោក នៅរដ្ឋធានី នីកូស៊ី (Nicosia) ថា “ការព្រួយបារម្ភខ្ពស់បំផុតរបស់ខ្ញុំគឺការបញ្ចប់ការកាន់កាប់របស់ទួកគី” ដោយគេដឹងថា «ព្រំដែនភាគខាងជើងកាន់កាប់ដោយតួកគី» នៅប្រទេសស៊ីបត្រូវបានគ្រប់គ្រងដោយយោធាតួកគី ចាប់តាំងពីសម័យសង្គ្រាម ឆ្នាំ១៩៧៤។

អតីតរដ្ឋមន្ត្រីការបរទេស លោក នីកូស គ្រីស្តូឌូឡាយស៍ បានជាប់ឆ្នោតជាប្រធានាធិបតីនៃសាធារណរដ្ឋស៊ីប ដែលសជាសមាជិកមួយរបស់សហភាពអឺរ៉ុប កាលពីថ្ងៃអាទិត្យ ដោយបានក្លាយជាមេដឹកនាំក្មេងជាងគេបំផុត នៃប្រទេសជាកោះ ស្ថិតនៅតំបន់ មេឌីទែរ៉ាណេ ដែលមានអាយុ៤៩ ឆ្នាំ៕

ប្រភពពី AFP ប្រែសម្រួលដោយ៖ សារ៉ាត