ភ្នំពេញ៖ សុខសន្តិភាព គឺជាកត្តាហុចផលដល់ប្រជាជនយ៉ាងពិតប្រាកដ ព្រោះគ្នានណារគេ ទៅវិនិយោគនៅប្រទេសដែលគ្មានសន្តិភាពទេ ។ នេះជាការលើកឡើងរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និងនិស្សិត នៃវិទ្យាស្ថានជាតិបណ្តុះបណ្តាលបច្ចេកទេស (NTTI) ប្រមាណ ៥ពាន់នាក់ នៅព្រឹកថ្ងៃទី២៧ ខែកុម្ភៈ ឆ្នាំ២០២៣ ។

សម្តេចតេជោ ហ៊ុន សែន បានថ្លែងថា គ្មានប្រទេសណា គេទៅវិនិយោគនៅប្រទេស ដែលគ្មានសន្តិភាព និងគ្មានស្ថិរភាពនយោបាយនោះទេ ហើយសុខសន្តិភាព គឺជាកត្តាហុចផលដល់ប្រជាជនយ៉ាងពិតប្រាកដ។

សម្តេចតេជោ បានបញ្ជាក់ថា ប្រសិនបើគ្មានរដ្ឋប្រហារឆ្នាំ១៩៧០ទេ នោះប្រទេសកម្ពុជា នឹងមានការរីកចម្រើនយ៉ាងខ្លាំងជាក់ជាមិនខាន ហើយពេលនោះ ប្រជាពលរដ្ឋកម្ពុជា ក៏អាចមានប្រាក់ចំណូលច្រើនជាងប្រជាជនប្រទេសកូរ៉េខាងត្បូងទៅទៀត តែពេលនេះកូរ៉េខាងត្បូងបានទៅមុខយ៉ាងឆ្ងាយ ដោយសារកំហុស នៃការធ្វើរដ្ឋប្រហាររបស់ លន់ នល់ ៕ ដោយ វណ្ណលុក