ម៉ាទ្រីដ៖ ប្រជាជនអេស្ប៉ាញរាប់ពាន់នាក់បានដើរជាក្បួន ដើម្បីធ្វើបាតកម្មតវ៉ា អំឡុងទិវានារីអន្តរជាតិ ៨មីនា នៅក្នុងរដ្ឋធានីម៉ាទ្រីដ (Madrid)។

មនុស្សរាប់ពាន់នាក់បានដើរតាមដងផ្លូវ នៅក្នុងទីក្រុង ម៉ាទ្រីដ (Madrid) ដើម្បីធ្វើបាតុកម្ម ក្នុងពេលប្រារព្ធទិវាសិទ្ធិនារីអន្តរជាតិ។ ប្រទេសអេស្បាញត្រូវបានគេមើលឃើញ ជាញឹកញាប់ថា ជាគោលសម្រាប់សិទ្ធិស្ត្រីនៅអឺរ៉ុប ជាពិសេសបន្ទាប់ពីការអនុម័តច្បាប់ឆ្នាំ ២០០៤ របស់ខ្លួនដែលលើកកម្ពស់វិធានការប្រឆាំងនឹងអំពើហិង្សាផ្អែក លើយេនឌ័រ។

ក្រុមបាតុករស្លៀកពាក់ពណ៌ស្វាយរាប់ពាន់នាក់បានដើរដង្ហែក្នុងទីក្រុងជាច្រើនរបស់អេស្ប៉ាញក្នុងការប្រមូលផ្តុំប្រកួតប្រជែង សម្រាប់ទិវានារីអន្តរជាតិ ដោយឆ្លុះបញ្ចាំងពីមនោគមវិជ្ជាខុសគ្នានៅក្នុងចលនាស្ត្រីនិយម និងការប្រេះឆាកាន់តែជ្រៅនៅក្នុងរដ្ឋាភិបាលចម្រុះឆ្វេងនិយម។

វាជាឆ្នាំទីពីរហើយដែលការបែងចែកមតិលើបញ្ហា ដូចជា សិទ្ធិឆ្លងដែន និងការហាមប្រាមពេស្យាចារ បានន័យថា ទីក្រុងដូចជា ម៉ាទ្រីដ (Madrid), សានត្យាហ្គោ ដេ ចោមផូស្តេឡា (Santiago de Compostela) និង ហ្ស៊ីចន (Gijon) បានធ្វើបាតុកម្មប្រឆាំង។

បញ្ហា យេនឌ័រ គឺជាមូលដ្ឋានគ្រឹះមួយនៃរបៀបវារៈគោលនយោបាយរបស់រដ្ឋាភិបាលចម្រុះ នៅប្រទេសក្រិច ក្នុងនោះ ប្រទេសនេះបានអនុម័តច្បាប់នាពេលថ្មីៗនេះ ដើម្បីធ្វើឱ្យវាកាន់តែងាយស្រួលក្នុងការចូលដំណើរការរំលូតកូន នៅក្នុងប្រព័ន្ធសុខភាពសាធារណៈ ហើយបានក្លាយជាប្រទេសអឺរ៉ុបដំបូងគេ ដែលណែនាំការឈប់សម្រាក ដោយបង់ប្រាក់សម្រាប់ស្ត្រី ដែលមានរដូវឈឺចាប់៕ ប្រភពពី AFP ប្រែសម្រួលដោយ៖ សារ៉ាត