ហូស្តុន៖ អង្គការណាសាបានបង្ហាញគំរូនៃឈុតសម្លៀកបំពាក់អវកាសជំនាន់ថ្មី ដែលបង្កើតឡើងដោយក្រុមហ៊ុនអវកាស Axiom Space ដោយអវកាសយានិករបស់ទីភ្នាក់ងារអវកាសនេះ នឹងត្រូវពាក់វាសម្រាប់បេសកកម្មនៅឋានព្រះចន្ទ។

អវកាសយានិក NASA និងមេបញ្ជាការ Ax-2 លោក Peggy Whitson បាននិយាយនៅឯមជ្ឈមណ្ឌលអវកាស ចនសុន ក្នុងទីក្រុងហូស្តុន រដ្ឋតិចសាស់ថា នេះគឺជាឧទាហរណ៍ដ៏អស្ចារ្យនៃអ្វីដែលការច្នៃប្រឌិតអាចធ្វើបាន។

វានេះនឹងក្លាយជាឈុតសម្លៀកបំពាក់ដែលអាចបត់បែនបានកាន់តែច្រើន ហើយវានឹងធ្វើឱ្យសមត្ថភាពរបស់អវកាសយានិកកាន់តែប្រសើរឡើង ក្នុងការធ្វើការងារទាំងអស់ដែលពួកគេនឹងធ្វើ ខណៈពេលដែលពួកគេនឹងចេញទៅរុករកនៅលើផ្ទៃព្រះចន្ទ និងភពអង្គារ៕

ប្រភព៖ AFP ប្រែសម្រួលដោយ៖ ឈឹម ទីណា