បង្គន់អណ្តែតទឹកមិនប៉ះពាល់ដល់បរិស្ថាន ជួយកម្ចាត់ជំងឺនានាក្នុងបឹងកម្ពុជា
អត្ថបទដោយ៖
ឈឹម ទីណា
សៀមរាប៖ ជាច្រើនជំនាន់មកហើយ អ្នកភូមិសហគមន៍បណ្តែតទឹកនៅបឹងទន្លេសាបរបស់ប្រទេសកម្ពុជា បានបន្ទោរបង់ដោយផ្ទាល់ទៅក្នុងទឹក ដែលពួកគេប្រើប្រាស់សម្រាប់ចម្អិនអាហារ បោកគក់ និងងូតទឹក ដែលប្រថុយនឹងជំងឺរាគរូស ព្រមទាំងជំងឺដែលបណ្តាលមកពីទឹកកង្វក់ ដូចជាជំងឺអាសន្នរោគជាដើម។
ឥឡូវនេះ សហគ្រាសសង្គមក្នុងស្រុកមួយឈ្មោះថា Wetlands Work (WW) កំពុងព្យាយាមដោះស្រាយបញ្ហានេះ ដោយបង្កើត “បង្គន់អណ្តែតទឹក” ដើម្បីចម្រោះកាកសំណល់ ប៉ុន្តែនាពេលបច្ចុប្បន្ននេះ ការដំឡើងវាត្រូវចំណាយប្រាក់ច្រើន ដូច្នេះមានតែប្រជាជនមួយចំនួនតូចប៉ុណ្ណោះ ដែលមានលទ្ធភាពទទួលបាន៕
ប្រភព៖ AFP អាន៖ លន់ សារ៉ាត ប្រែសម្រួលដោយ៖ ឈឹម ទីណា
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។