ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកក្នុងថ្ងៃនេះស្រុតចុះ។ កិច្ចការរងារទាំងឡាយក្នុងពេលនេះហាក់មានដំណើរការយឺតយ៉ាវ ហើយបញ្ហាតូចតាចជាច្រើននឹងលេចខ្លួនមករំខានដំណើរការងាររបស់អ្នក។ ទន្ទឹមនឹងនេះ សូមកុំទាន់សម្រេចចិត្តផ្លាស់ប្តូរស្ថានភាពការងារ ក្នុងនោះដែរការចរចា ពិភាក្សាមិនមែនជាពេលវេលាល្អនោះទេ។ ក្រៅពីនេះ សូមមានចិត្តតស៊ូ ហើយរកវិធីសាស្រ្តកែប្រែស្ថានការណ៍ប្រសើរជាង ពិសេសសូមព្យាយាមបន្ថែម និងជឿលើបទពិសោធន៍របស់ខ្លួនឯ។ លើសពីនេះទៅទៀត ប្រហែលជាអ្នកមិនគួរចំណាយលុយកាក់ច្រើន ឬពាក់ព័ន្ធនឹង ការខ្ចីបុលនោះទេ ការខាតបង់អាចនឹងមានច្រើន។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ មុខរបររកស៊ីជួញដូរ និងកិច្ចការងានានាសម្រេចបានផ្លែផ្កាជាទីមោទនក្រៃលែង ហើយលោកអ្នកអាចធ្វើអ្វីបានគ្រប់យ៉ាងដោយគ្មានផលរំខានសោះឡើយ។ ពេលខ្លះលោកអ្នកអាចនឹងជួបប្រទះផលលំបាកខ្លះ ប៉ុន្តែសមត្ថភាពក្នុងការធ្វើទំនាក់ទំនងជាមួយមនុស្សជុំវិញខ្លួន នឹងជួយអ្នកដោះស្រាយបញ្ហាឲ្យបានជោគជ័យ និងងាយស្រួលណាស់។ ក្រៅពីនេះ លោកអ្នកទទួលបានការជួយជ្រោមជ្រែង ពីថា្នក់លើ និងពីមនុស្សនៅក្នុងក្រុមការងារបានល្អ ហេតុនេះសូមព្យាយាមបំពេញការងារ អោយបានរហ័ស ហើយព្យាយាមទាញ់ផលចំណេញពីទំនាក់ទំនងទាំងនេះ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ ក្នុងវេលានេះ លុយកាក់ និងលាភសំណាងកើតឡើងនៅចំពោះមុខលោកអ្នកតែម្តង​ ប៉ុន្តែថ្ងៃនេះទាមទារការខំប្រឹងប្រែងរបស់អ្នកជាងសព្វដង លើសពីនេះអ្នកក៏មិនអាចពឹងពាក់ការជួយសម្រាលការងារ ឬការជ្រោមជ្រែងរបស់មនុស្សនៅជុំវិញខ្លួនបាននោះទេ។ ក្រៅពីនេះ សូមលោកអ្នកស្វែងរកពត៌មានលំអិតច្បាស់លាស់ដើម្បីទប់ស្កាត់ការលួចបន្លំ និងបោកបញ្ឆោតដែលកំពុងមានសញ្ញាណមិនល្អក្នុងពេលនេះ។ ដោយឡែក លោកអ្នកអាចសម្របទៅនឹងបញ្ហា ហើយរកផ្លូវដោះស្រាយបានដោយងាយ ស្រួលណាស់ ប្រសិនបើអ្នកយកចិត្តទុកដាក់បន្ថែមទៅលើករណីទាំងនោះ។

ឆ្នាំថោះ              

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ ថ្ងៃនេះរាសីការងាររបស់លោកអ្នកកំពុងឈរលើកំរិតកំពូល ដែលអាចយកឈ្នះបញ្ហានានាក្នុងរង្វង់ការងារ និងអាជីវកម្ម ហើយអាចឲ្យលោកអ្នកសម្រេចផលតាមបំណង។ ទ្រព្យសម្បត្តិ លាភសំណាងគឹនឹងកើតឡើងចំពោះលោកអ្នក ហើយប្រសិនបើអ្នកជាអ្នកគ្រប់គ្រងទៀតនោះ មនុស្សនៅក្រោមបង្គាប់នឹងធ្វើតាម ចំណាត់ការរបស់អ្នក ហើយជួយជ្រោមជ្រែងបំពេញការងារដល់អ្នកបានយ៉ាងល្អ។ ដោយ ឡែកលោកអ្នកជាបុគ្គលិករដ្ឋនិងឯកជនរំពឹងថាទទួលបានដំណឹង ឬទទួលបានការផ្តល់ជូន ជារង្វាន់ និងការតម្លើងប្រាក់ឧបត្ថម្ភ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកក្នុងថ្ងៃនេះល្អជាមធ្យម។ អាជីវកម្ម និងកិច្ចការងារផ្សេងៗមានដំណើរការល្អ ប៉ុន្តែលោកអ្នកមិនសូវមានពេលវេលាគ្រប់គ្រាន់នោះទេ ដូច្នេះសូមព្យាយាមធ្វើការងារឲ្យបានឆាប់រហ័ស ហើយការឈប់សម្រាករយៈពេលយូរមិនល្អនោះទេ។ អ្នកក៏ត្រូវខំប្រឹងប្រែងជានិច្ច​ និងមិនត្រូវដាក់ការសង្ឃឹមលើថ្ងៃនេះហួសពេកនោះទេ។ ចូរកុំបណ្តោយឲ្យមជ្ឈដ្ឋានខាងក្រៅមានឥទ្ធិពលដល់ការសម្រេចចិត្តរបស់ងអ្នក ចូរធ្វើតាមគំនិតយោបល់របស់ខ្លួនឯងប្រសិនបើអ្នកមិនចង់ស្ថិតក្នុងស្ថានភាពលំបាក។ ដោយឡែក លោកអ្នកក៏ត្រូវប្រកាន់គោល ជំហរ និងគម្រោងផែនការរបស់ឃខ្លួនជានិច្ចទើបបានប្រសើរ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកក្នុងថ្ងៃនេះខ្ពស់ត្រដែត។ ថ្ងៃនេះលោកអ្នកទទួលបានអំណោយផលយ៉ាងល្អប្រសើរទាក់ទងនឹងការគ្រប់គ្រងការងារ ហើយក៏អាចមានលទ្ធភាពដឹកនាំក្រុមការងារធំតូចនានាបានល្អ។ ចំណែកលោកអ្នកប្រកបអាជីវកម្មវិញ អាចធ្វើការបណ្តាក់ទុនលើរបរដែលខ្លួនប៉ងប្រាថ្នា ដោយទទួលបានដៃគូល្អៗទៀតផង។ ក្នុងនោះ សូមកុំមានភាពរុញរា ខ្លាចរអាអ្វីឡើយ ពីព្រោះលោកអ្នកនឹងទទួលបានលាភសំណាង និងភាពជោគជ័យយ៉ាងគាប់ប្រសើរណាស់ ។ ក្នុងនោះលោកអ្នកក៏អាចនឹងរៀបចំពិធីសម្ពោធ និងពិធីមង្គលនានា បានលាភយសល្អប្រសើរបំផុត។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកថ្ងៃនេះល្អជាមធ្យម។ លាភសំណាង និងរង្វាន់ជាទីគាប់ចិត្តនឹងកើតឡើងក្នុងពេលនេះ។ លោកអ្នកក៏អាចសម្រេចចិត្តលើការងារសំខាន់ ដោយគ្មានអ្វីជំទាស់អ្វីនោះទេ ប៉ុន្តែគួរជៀសវាងការពិភាក្សាការងារសំខាន់ជាមួយមនុស្សដែលអ្នកមិនសូវស្គាល់ច្បាស់ ពីព្រោះសញ្ញាណនៃការខកចិត្ត ឬចាញ់បោកបញ្ឆោតគេមានភាពវិជ្ជមាន ហេតុនេះការជឿ ទុកចិត្តត្រូវតែស្ថិតក្រោមការគ្រប់គ្រង។ ទោះបីជាស្ថានភាពយ៉ាងនេះក្តី ក៏មិនគួរព្រួយបារម្ភនោះដែរ ពីព្រោះលោកអ្នកអាចកែប្រែស្ថានការណ៍ឲ្យបានប្រសើរឡើងវិញដោយការយក ចិត្តទុកដាក់។ ដោយ ឡែកលោកអ្នកនឹងអាចដោះស្រាយ ឬសម្របទៅនឹងស្ថានភាពបាន យ៉ាងងាយស្រួល។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីលោកអ្នកថ្ងៃនេះស្រុតចុះ។ ថ្ងៃនេះលោកអ្នកហាក់មានចិត្តស្រាល ងាយរងឥទ្ធិពលពីខាងក្រៅ និងមានការអត់ធ្មត់តិចតួច។ ការងាររបស់អ្នកអាចសម្រេចទៅបាន ឬដែលមានផលលំបាកគឺអាស្រ័យនឹងការឆ្លើយរបស់អ្នកប៉ុណ្ណោះ ដូច្នេះសូមគិតគូអំពីផលប្រយោជន៍យូរ​    អង្វែង។ ក្រៅពីនេះ សូមធ្វើទំនាក់ទំនងល្អជាមួយថ្នាក់លើ ដោយបង្ហាញគោលគំនិតច្បាស់លាស់ ហើយអ្នកក៏ត្រូវទទួលខុសត្រូវទៅលើកិច្ចការរបស់អ្នកបំផុតផងដែរ។ ក្នុងស្ថាន ភាពនេះ សូមលោកអ្នកកុំទាន់ចាយវាយ ឬប្រើប្រាស់លុយកាក់ច្រើនលើសពីការ គ្រប់គ្រងបាន ហេតុផលគឺថាអ្នកប្រហែលជាអាចត្រូវការដើមទុនច្រើននៅថ្ងៃខាងមុខនេះ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះខ្ពស់ត្រដែត។ ថ្ងៃនេះអ្នកនឹងទទួលបានលទ្ធផលល្អក្នុងការងារ។ មនុស្សនៅជុំវិញខ្លួនរបស់អ្នកកំពុងយកចិត្តទុកដាក់នឹងការងាររបស់អ្នកយ៉ាងខ្លាំង ហេតុដូច្នេះសូមគ្រប់គ្រងសភាពការណ៍ក្នុងពេលនេះ ដើម្បីភាពរីកចម្រើនធំក្នុងពេលអនាគតដ៏ខ្លីនេះ។ ទន្ទឹមនឹងនេះ អ្នកមានឳកាសក្នុងកការបង្កើនកំរិតហិរញ្ញវត្ថុបានខ្ពស់ណាស់ ប៉ុន្តែក៏សូមចាយវាយ ប្រើប្រាស់លុយកាក់ឲ្យសមស្របផងដែរ។ ក្រៅពីនេះ ថ្ងៃនេះអំណោយផល បំផុតដល់ការសាកល្បង ដូច្នេះសូមកុំមានការព្រួយបារម្ភចំពោះហេតុការណ៍អវិជ្ជមានចូរ បោះជំហាន ទៅកាន់ការងារដែលអ្នកពេញចិត្ត ធ្វើការសាកល្បងប្រឈមនឹងស្ថានភាពថ្មី ដើម្បីជាប្រយោជន៍ដល់អាជីព។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​រាសីអស់លោកអ្នកនៅក្នុងថ្ងៃនេះខ្ពស់ត្រដែត។ ក្នុងថ្ងៃនេះ លោកអ្នកនឹងទទួលផលចំណេញជាប្រាក់កាក់ ព្រមទាំងទទួលដំណឹងល្អសម្រាប់សេចក្តីសុខផ្ទាល់ខ្លួនផងដែរ។ ចំពោះលោកអ្នកបំពេញការងាររដ្ឋ និងឯកជនអាចនឹងទទួលដំណឹងល្អក្នុងរង្វង់ការងារ ឬ ដំណើរបេសកម្មការងារដែលទទួលបានផលប្រយោជន៍ធំ។ ក្រៅពីនេះ លោកអ្នកទទួលបានការយកចិត្តទុកដាក់ និងការជឿជាក់ពីមនុស្សនៅថ្នាក់លើ ឬដៃគូជំនួញណាស់ ដូច្នេះសូមប្រើប្រាស់ពេលវេលាអំណោយផលក្នុងថ្ងៃនេះធ្វើការងារតាមប្រាថ្នា។ ក្រោពីនេះ សូមមាន ចិត្តអត់ធ្មត់ ហើយអធ្យាស្រ័យអោយបានច្រើន។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះស្រុតចុះ។ រាសីអាជីពរបស់លោកអ្នកពេលនេះ ស្ថិតក្នុងដំណាក់កាលលំបាកក្នុងការទទួលបានផលចំណេញ និងភាពជោគជ័យតាមក្តីប្រាថ្នាខ្លាំងណាស់ ប៉ុន្តែទោះយ៉ាងនោះក្តី អ្នកមានអំណាចផ្លាស់ប្តូរស្ថានភាពក្នុងជីវិតឲ្យកាន់តែប្រសើរ ប្រសិនបើអ្នករក្សាភាពស្ងៀមស្ងាត់ ហើយប្រើប្រាស់ពេលវេលាដើម្បីស្រង់យកពត៌មាន និងស្ថានការណ៍ប្រែប្រួលទាំងនោះ។ ក្នុងពេលនេះស្ថានភាពសម្រាប់ការផ្លាស់ប្តូរការងារមិនអំណោយផលដល់អ្នក នោះទេ ដូច្នេះចូររក្សាស្ថានភាពការងារអោយនៅដដែលសិន ដើម្បីបញ្ចៀសភាពអវិជ្ជមាន ដែលអាចនឹងកើតឡើង។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។  ការងារ និងរបររកស៊ីរបស់អ្នកមានដំណើរការទៅជាប្រក្រតី។ ក្នុងនោះលាភសំណាង ស្ថិតនៅក្នុងគន្លងដែលអ្នកកំពុងដើរ ហេតុដូច្នេះមិនគួរមានការព្រួយបារម្ភ ឬបាត់បង់ការតាំងចិត្តជាមួយនឹងបញ្ហាតូចតាចនោះទេ។ ទោះបីយ៉ាងនោះក្តី សូមលោកអ្នកខិតខំបំពេញការងារក្រោមការទទួលខុសត្រូវរបស់ខ្លួនជានិច្ច ហើយក្នុងពេល ស្របគ្នានេះ ក៏គួរបែងចែកពេលវេលាខ្លះដើម្បីកែលម្អស្ថានភាពការងារ ឬគម្រោងផែនការ របស់អ្នកអោយបានសមស្របទៅនឹងស្ថានភាពដែលបានផ្លាស់ប្តូរ។ ក្នុងនោះដែរ ប្រសិន បើអ្នកជួបបញ្ហា សូមរកជំនួយ ពីព្រោះថ្ងៃនេះការសហការនឹងជួយជ្រោមជ្រែងការងារអ្នក យ៉ាងប្រសើរ។

ចំណាំៈ

ឆ្នាំទាំង៥ ឆ្លូវ ថោះ ម្សាញ់ វក រកា រាសីឡើងខ្ពស់ត្រដែត។ ថ្ងៃនេះល្អប្រសើរដល់ការសម្ពោធ ការផ្តើមគម្រោងការងារ និងការចាត់ចែងគ្រប់គ្រងនានា។