ការប្រកួតកីឡាបាញ់កាំភ្លើង ជ្រើសរើសជើងឯកថ្នាក់ជាតិ ប្រចាំឆ្នាំ២០២២ ដែលដែលរៀបចំដោយ សហព័ន្ធកីឡាបាញកាំភ្លើងកម្ពុជា ក្រោមការឧបត្ថម្ភគាំទ្រពីក្រសួងអប់រំយុវជននិងកីឡា បានបញ្ចប់កាលពីថ្ងៃទី២៣ ខែមេសា ឆ្នាំ២០២២៣ បន្ទាប់ពីធ្វើការប្រកួតយ៉ាងស្វិតស្វាញ រយៈពេល២ថ្ងៃ នៅបញ្ជាការដ្ឋាន ទ័ពពិសេសឆ័ត្រយោង៩១១ កំបូល ដោយបានរកឃើញអត្តពលិក ដៃត្រង់ជាច្រើននាក់ ពីការប្រកួត ។
លោក កែវ ហុកលី អគ្គលេខាធិការសហព័ន្ធកីឡាបាញ់កាំភ្លើងកម្ពុជា បានឲ្យដឹងថា ការប្រកួតនេះធ្វើឡើងលើ៣ វិញ្ញាសា គឺវិញ្ញាសាបាញ់កាំភ្លើង វែងខ្យល់ ចម្ងាយ ១០ម៉ែត្រ កាំភ្លើងវែងខ្យល់ ចម្ងាយ៥០ម៉ែត្រ និង កាំភ្លើងខ្លី៩មីលីម៉ែត្រ ដោយមាន កីឡាករកីឡាការិនី ចូលរួម ចំនួន ៣៣នាក់។

ក្នុងឱកាសបិទការប្រកួត ឯកឧត្តម មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បានសំដែងនូវការអបអរចំពោះលទ្ធផល ទទួលបាន ដែលទាំងអស់នេះ កើតចេញពីការ ខិតខំប្រឹងប្រែង ហ្វឹកហាត់ និង ប្រកួត របស់ កីឡាករ-កីឡាការនី យើង ។
ឯកឧត្តម ប្រធានសហព័ន្ធបានលើកឡើងថា បាញ់កាំភ្លើងជាកីឡា១ប្រភេទ ខុសពីកីឡាផ្សេងៗ ដែលទាម ទារ ឲ្យអ្នកហ្វឹកហាត់ មានវិន័យ និងសីលធម៌ខ្ពស់ ដោយសារយើងត្រូវប្រើប្រាស់អាវុធ ។អាវុធនេះអាចប្រើប្រាស់បានច្រើនមុខព្រួញ បើប្រើត្រូវមានផលប្រយោជន៍ តែបើប្រើខុស វានឹងបង្កនូវផលលំបាក ។ដូចនេះហើយបានជាយើងត្រូវការ ការប្រើប្រាស់ ប្រកប ដោយការប្រុងប្រយ័ត្ន ត្រូវយល់ដឹងពីសុវត្ថិភាពឲ្យបាន ខ្ពស់ ព្រោះ កាំភ្លើងបើប្រើឲ្យត្រូវគឺមានប្រយោជន៍ តែបើប្រើខុសគឺអន្ដរាយដល់ខ្លួនឯង និង បង្កគ្រោះថ្នាក់ដល់អ្នកដទៃថែមទៀតផង។

ឯកឧត្តម មៀចសុផាន់ណា បានធ្វើការអំពាវនាវ ដល់បងប្អូនប្រជាពលរដ្ឋទូទៅដែលនិយម ចូលចិត្តកីឡាបាញ់កាំភ្លើងសូម ចូលរួម ចុះឈ្មោះជាសមាជិករបស់ សហព័ន្ធកីឡាបាញ់កាំភ្លើងកម្ពុជា ឲ្យបានច្រើនដើម្បីមានឱកាស បានចូលរួមក្នុង ការបាញ់កាំភ្លើងនៅ ក្នុងក្របខណ្ឌនៃការហ្វឹកហាត់ត្រៀមប្រកួត ជៀសវាងការប្រើប្រាស់ កាំភ្លើង នៅទីសាធារណៈខុសច្បាប់ដែល ធ្វើឲ្យប៉ះពាល់ដល់សន្តិសុខសង្គម។ ជាមួយនេះសហព័ន្ធ ក៏ត្រូវពិនិត្យ ពិច្ច័យពី ប្រវត្តិ និង បុគ្គលិកលក្ខណៈរបស់សមាជិកដែលចង់ចូលរួមឲ្យបានច្បាស់លាស់ផងដែរ បើពុំនោះទេនឹងធ្វើឲ្យប្រភេទកីឡានេះ អាប់ឱនឬក៏មានកេរឈ្មោះមិនល្អ។ ឯកឧត្តម បានលើកឡើងថា ការរៀបចំតាមចរន្ដបែបនេះ គឺពុំមានសន្ទុះលឿននោះទេតែ យើងសុខចិត្តវិវឌ្ឍទៅដោយ សន្សឹមៗ ប៉ុន្ដែមានសុវត្ថិភាព គង់វង្សយូរអង្វែង ។

ឯកឧត្តម បានថ្លែងអំណរគុណ ដល់ក្រសួងអប់រំយុវជននិងកីឡា វិស័យឯកជន ដៃគូសហការមួយចំនួន ព្រមទាំងសប្បុរសជននានា ដែលបានជួយឧបត្ថម្ភ គាំទ្រសហព័ន្ធកីឡាបាញ់កាំភ្លើងកម្ពុជា នាពេលកន្លងមក ដោយបានចាត់ទុកថា ការចូលរួមទាំងនោះគឺជាររួមចំណែកក្នុងការអភិវឌ្ឍវិស័យកីឡាបាញ់កាំភ្លើងនៅកម្ពុជា ។
សម្រាប់លទ្ធផលក្នុងការប្រកួតនេះ លើវិញ្ញាបាញ់ សាកាំភ្លើងវែងខ្យល់ ចម្ងាយ១០ម៉ែត្រ កីឡាការិនី វង្ស សុខាវីន មកពី ក្លិបក្រសួងការពារជាតិ ដណ្ដើមបានមេដាយមាស ។ ចំណែក កីឡាករ ហួត ភ័ស ក្លិបកងរាជអាវុធហត្ថ ទទួលបានមេដាយប្រាក់ និងមេដាយ សំរិទ្ធ បានទៅ សែម លីនី មកពីក្លិប ក្រសួងមហាផ្ទៃ ។

លទ្ធផល លើវិញ្ញាបាញ់ សាកាំភ្លើងវែងខ្យល់ ចម្ងាយ៥០ម៉ែត្រ មេដាយមាសបានទៅបានទៅកីឡាករ ខៀវឌីណា មក ចំណែកមេដាយប្រាក់ បានទៅលើ កែម សោភ័ណ និង មេដាសំរិទ្ធ បានទៅ កីឡាករ ឈាង សុវណ្ណា វុធ ដែលអ្នកទាំង៣ ពីក្លិប ក្រសួងការពារជាតិដូចគ្នា ។
ចំណែកវិញ្ញាសាកាំភ្លើងខ្លី ៩មម វិញ មេដាយមាស បានលើ ណាម៉ូនី រតនៈ មកពីក្លិបក្រសួងការពារជាតិ មេដាយប្រាក់ កីឡាករ ឈាង ហួត មកពីក្រសួងការពារជាតិ និង មេដាយសំរិទ្ធ កីឡាករ សាន កក្កដា មកពីក្លិបក្រសួងការពារជាតិ ៕