ភ្នំពេញ៖ ដោយមានការអនុញ្ញាតពី លោក នាយឧត្តមសេនីយ៍ សៅ សុខា អគ្គបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នារសៀលថ្ងៃទី២៤ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស អញ្ជើញបើកកិច្ចប្រជុំផ្សព្វផ្សាយផែនការការពារសន្តិសុខ រក្សាសណ្ដាប់ធ្នាប់ និងសង្គ្រោះបន្ទាន់ជូន ឯកឧត្តម ថងលុន ស៊ីសុលីត (THONGLOUN SISOULITH) ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ ក្នុងដំណើរបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា (ថ្ងៃទី០៤-០៥ ខែឧសភា ឆ្នាំ២០២៣)។

លោក ឧត្តមសេនីយ៍ទោ ស សំបូរធន បន្តថា ទន្ទឹមនេះមានផែនការជាច្រើនទៀតរួមមាន ផែនការការពារសន្តិសុខ រក្សាសុវត្ថិភាព និងសង្គ្រោះបន្ទាន់ ពិធីបុណ្យវិសាខបូជា នៅភ្នំព្រះរាជទ្រព្យ (ឧត្តុង្គ)ថ្ងៃទី០៤-០៥ ខែឧសភា ឆ្នាំ២០២៣, ផែនការការពារសន្តិសុខ រក្សាសុវត្ថិភាព និងសង្គ្រោះបន្ទាន់ ព្រះរាជពិធីច្រត់ព្រះនង្គ័ល ឆ្នាំ២០២៣ នៅខេត្តកំពង់ធំ(ថ្ងៃទី០៥-០៨ ខែឧសភា ឆ្នាំ២០២៣), ផែនការ ការពារសន្តិសុខ រក្សាសណ្ដាប់ធ្នាប់ និងសង្គ្រោះបន្ទាន់ ពិធីប្រកាស និងប្រគល់ជូនគោរមងារកិត្តិយស«ពុទ្ធមាមកាភិបាល»របស់អង្គការពុទ្ធសាសនិកពិភពលោក និង«បណ្ឌិតកិត្តិយស ផ្នែកមនុស្សសាស្ត្រ»ដោយសាកលវិទ្យាល័យណេហ្គរីប៉ាដាង ជូនសម្តេចអគ្គមហាសេនាបតីតេជោ ហ៊ុន សែន និងគោរមងារកិត្តិយស«ទីប្រឹក្សាជាន់ខ្ពស់»របស់អង្គការពុទ្ធសាសនិកពិភពលោក ជូនឯកឧត្តម នាយឧត្តមសេនីយ៍ ហ៊ុន ម៉ាណែត (ថ្ងៃទី០២ ខែឧសភា ឆ្នាំ២០២៣) ។

ក្រៅពីនេះក៏មានការត្រៀមរៀបចំបើកវគ្គបណ្ដុះបណ្ដាលនាយទាហានរងនៃកងរាជអាវុធហត្ថ ជំនាន់ទី៤៦ និងការត្រៀមចល័តកម្លាំងកងអន្តរាគមន៍ ដើម្បីចូលរួមសហការការពារសន្តិសុខព្រឹត្តិការណ៍បើក-បិទពិធីប្រកួតកីឡាអាស៊ីអាគ្នេយ៍ លើកទី៣២ (32th SEA Games) និងកីឡាជនពិការ លើកទី១២(12th ASEAN Para Games) ឆ្នាំ២០២៣(ថ្ងៃទី២១ ខែមីនា ឆ្នាំ២០២៣ -០៩ ខែមិថុនា ឆ្នាំ២០២៣) កិច្ចប្រជុំនេះមានការចូលរួមពី លោកនាយសេនាធិការរង លោកស្នងការទាំង០៧ នាយ-នាយរងការិយាល័យ និងមានតាមរយៈ (Video conference) គ្រប់ទីបញ្ជាការដ្ឋាន កងរាជអាវុធហត្ថរាជធានី-ខេត្ត និងសាលាទាំងពីរ ៕ ប្រភព ៖ អ ហ