ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកថ្ងៃនេះឡើងល្អជាមធ្យម។ ការងារទាំងឡាយរបស់អ្នកក្នុងពេលនេះមានដំណើរការល្អ ជាប្រក្រតី លោកអ្នកក៏រំពឹងថាទទួលបានទំនុកចិត្តយ៉ាងច្រើនពីមនុស្សរួកក្រុម ក៏ដូចជាអតិថិ ជនផងដែរ។ ថ្ងៃនេះមានបញ្ហាមួយចំនួនអាចនឹងកើតឡើង ប៉ុន្តែភាពលំបាកនេះមិនអាចនឹង ជ្រៀតជ្រែកដល់ផលប្រយោជន៍ ឬរំខានគោលដៅរបស់អ្នកបានទេ។ អ្នកគួរចំណាយពេល វេលាខ្លះដោះស្រាយហេតុការណ៍នោះឲ្យបានរួចរាល់។ ភាពកក់កុញនៃការងារ ក៏ដូចជា បញ្ហានឹងបង្ករភាពរអាក់រអួល។ ក្រៅពីនេះ លោកអ្នកអាចសម្របសម្រួល ឬដោះស្រាយ បញ្ហារឹងស្ទះបានបើអ្នកយកចិត្តទុកដាក់បន្ថែម។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកថ្ងៃនេះល្អជាមធ្យម។ អាជីពរបស់អ្នកក្នុងថ្ងៃនេះអាចនឹងដំណើរការទៅ បានដោយជោគជ័យ។ លោកអ្នកមានមនុស្សនៅក្បែរខ្លួនដែលគួរឲ្យទុកចិត្ត ហើយពួកគេក៏ អាចធ្វើការជ្រោមជ្រែងលោកអ្នកបានគ្រប់កាលទេសផងដែរ។ ប៉ុន្តែស្របពេលជាមួយគ្នានេះ អ្នកអាចជួបការលំបាកតិចតួច ដែលទាក់ទងនឹងការបំពេញកាតព្វកិច្ចធម្មតារបស់អ្នក។ ក្រៅពីនេះ សូមយកចិត្តទុកដាក់បន្ថែមចំពោះការប្រើប្រាស់លុយកាក់ ការបណ្តាក់ទុន និងការសហការផ្សេងៗ។ ដោយឡែក សូមមានភាពស្ងប់ស្ងៀម ហើយពិនិត្យវាយតម្លៃស្ថាន ភាពការងាររបស់អ្នកជានិច្ច។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះល្អមធ្យម។ នៅថ្ងៃនេះលោកអ្នកមិនចាំបាច់ទន្ទឹងរងចាំ ឬសង្ឃឹមទៅលើ កិច្ចទំនាក់ទំនង ឬការជួយជ្រោមជ្រែងពេកនោះទេ ពីព្រោះទំនាក់ទំនងនេះហាក់មិនភាព ជាក់លាក់នោះទេ។ ទន្ទឹមនឹងនេះ សូមជៀសឲ្យបានពីមតិរិះគន់ ហើយបើទោះនិយាយស្តីអ្វី គួរធ្វើដោយភាពរម្យទម្យ និងទំនួលខុសត្រូវ។ ប្រសិនបើអ្នកអាចគ្រប់គ្រងករណីទាំងនេះ បាន នោះអាជីពរបស់អ្នកនឹងទទួលបានផ្លែផ្កាណាស់។ ដោយឡែក ថ្ងៃនេះមានអំណោយ ផលយ៉ាងប្រសើរសម្រាប់ការដោះស្រាយបញ្ហារឹងស្ទះនានា ប៉ុន្តែសូមពឹងអាស្រ័យទៅលើ ពត៌មានដែលអ្នកទទួលបានជានិច្ច។

ឆ្នាំថោះ      

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ ការងារទាំងឡាយរបស់អ្នកពោរពេញទៅ ដោយភាពសុទិដ្ឋិនិយម ដូច្នេះអ្នករំពឹងថាទទួលបានភាពជោគជ័យធំសម្បើមណាស់។ ក្នុង នោះអនាគតការងាររបស់អ្នកក៏កំពុងមានសញ្ញាណយ៉ាងរឹងមាំផងដែរ។ ស្របពេលនឹង ឳកាសល្អនេះសូមកុំបោះបង់ចោលការខិតខំប្រឹងប្រែង ហើយការរៀនសូត្រស្រង់យកបទ ពិសោធន៍ ​បន្ថែមក៏ជាចំណុចល្អប្រសើរណាស់ផងដែរ។ លោកអ្នកក៏អាចនឹងត្រូវចាកចេញ ទៅ​ឆ្ងាយ ដូច្នេះសូមត្រៀមការងារទាំងអស់ឲ្យបានរួចរាល់។ ក្រៅពីនេះ ថ្ងៃនេះក៏មាន អំណោយផលយ៉ាងប្រសើរសម្រាប់ការធ្វើពិធីមង្គលនានាផងដែរ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាដែលមានអំណោយផល បំផុតសម្រាប់ការពិភាក្សាលើករណីនានាក្នុងអាជីព។ ការយល់ដឹងពីមនុស្សនៅក្នុងក្រុមមាន កំរិតខ្ពស់។ លោកអ្នកមានមនុស្សនៅក្បែរខ្លួន គាំទ្រការងារ និងជួយសម្របសម្រួលភារកិច្ច អ្នកបានល្អ។ ផ្ទុយទៅវិញ អ្នកក៏មិនគួរមើលសស្រាលស្ថនាការណ៍ ឬធ្វើឲ្យមានការភ្ញាក់ផ្អើល នានានៅក្នុងអាជីព ពិសេសផ្នែកជំនួញ។ ក្រៅពីនេះ ប្រសិនបើអ្នកមានពេលវេលាដើម្បី ចូលរួមក្នុងការងារសហគមន៍ ការងារជាក្រុម ឬចូលចូលសិក្ខាសាលាបណ្តុះបណ្តាល គឺ កាន់តែល្អប្រសើរបំផុត។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកនៅក្នុងថ្ងៃនេះល្អជាមធ្យម។ សូមព្យាយាមកាត់បន្ថយបន្ទុកការងារឲ្យ    បានតិចបំផុត។ វានឹងប្រសើរជាងក្នុងការចូលរួមលើសកម្មភាពការងារតែមួយ ដែលមិន តម្រូវឲ្យធ្វើការសម្រេចចិត្តធំដុំ។ សម្រាប់សកម្មភាពដែលប្រញាប់ប្រញាលទាំងអស់ សូម មានការប្រុង​ប្រយ័ត្ន ហើយក៏មិនគួរសាកល្បងនោះទេ ពីព្រោះវានឹងអាចធ្វើឲ្យមានហានិ ភ័យ។ ការសម្រេចចិត្ត ដែលមិនបានគិតគូរ ឬដែលលឿនជ្រុលនោះនឹងអាចនឹងធ្វើឲ្យប៉ះ​ពាល់ដល់អាជីវកម្ម។ ក្រៅពីនេះ សូមរងចំពេលវេលានៅថ្ងៃខាងមុខសម្រាប់ការផ្លាស់ប្តូរ ដែលមានទំហំធំ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកក្នុងថ្ងៃនេះស្រុតចុះ។ អាជីពរបស់អ្នកកំពុងជួបភាពរឹងស្ទះ ដែលភាពរឹង ស្ទះនេះច្រើនតែកើតឡើងពីទំនាក់ទំនងខាងក្នុង។ សូមលោកអ្នកចំណាយពេលវេលាបន្ថែម ពិនិត្យវាយតម្លៃការងារ ហើយត្រូវប្រាកដថាលោកអ្នកបានយល់ច្បាស់នូវស្ថានភាពដែល កំពុងកើតឡើងនៅជុំវិញខ្លួនរបស់អ្នក។ ចំពោះការទទួលខុសត្រូវលើការងារគឺមានភាពចាំ បាច់ណាស់ ពីព្រោះវាជាចំណុចសំខាន់សម្រាប់ភាពជាអ្នកដឹកនាំ និងជាចលករទៅរកភាព ជោគជ័យ។ ក្រៅពីនេះ សូមលោកអ្នកបង្កើនកិច្ចទំនាក់ទំនង ដើម្បីឲ្យអ្នកមានលទ្ធភាពកាន់ តែច្រើនក្នុងកិច្ចការ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ សធាតុមាស ពង្សទេវតាស្រី។ រាសីលោកអ្នកក្នុងថ្ងៃនេះល្អជាមធ្យម។ កិច្ចការងារ និងរបរជូញដូរ មានដំណើរការល្អណាស់។ សម្រាប់ទំនាក់ទំនងផ្ទាល់ខ្លួនក៏មានសញ្ញាណវិជ្ជមានណាស់ ដូច្នេះសូមមានភាពរួស រាន់ ពិភាក្សាចរចាសម្រាប់គម្រោងអនាគត ឬដោះស្រាយភាពមិនសមប្រកបមួយចំនួនក្នុង ទំនាក់ទំនង។ ដោយឡែក ប្រហែលជាអ្នកត្រូវផ្អាកការចាកចេញដំណើរបេសកកម្មផ្លូវឆ្ងាយ ឬត្រូវកាត់បន្ថយការធ្វើដំណើរជាទូទៅ ដោយសារឧបស័គ្គក្នុងការធ្វើដំណើរមានកំរិតខ្ពស់ ណាស់។ ដោយឡែក សម្រាប់កិច្ចការងារនានាដែលមិនច្បាស់សូមកុំពាក់ព័ន្ធ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីរបស់លោកអ្នកក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អសម្រាប់ការបណ្តាក់ទុនលើមុខរបរថ្មី និងធំដុំនោះទេ។ ចំណែកបុគ្គលិករដ្ឋឯកជន ក៏ហាក់មានភាពស្មុគ្រស្មាញ ច្រើនក្នុងពេលបំពេញការងារផងដែរ។ យកល្អសូមលោកអ្នកដកឃ្លាបន្តិច ហើយសំឡឹង មើលពីភាពមិនស៊ីសង្វាក់ផ្សេងៗ ហើយព្យាយាមដោះស្រាយទៅតាមគន្លងនៃហេតុផលពិត ប្រាកដ។ ក្រៅពីនេះ គួរចែករំលែកពេលវេលាខ្លះធ្វើការវាយតម្លៃកិច្ចអនុវត្តការងារ។ ក្រៅពី នេះសូមលោកអ្នកកុំសាកល្បងចំពោះករណីដែលមិនចាំបាច់ ហើយពិសេសអាជីវកម្មបែប ផ្សងព្រេងមិនគួរពាក់ព័ន្ធ​នោះទេ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីរបស់លោកអ្នកឡើងខ្ពស់ត្រដែត។ ថ្ងៃនេះអំណោយផលដល់ការពិភាក្សា និងចរចាចំពោះកិច្ចការងារ និងមុខជំនួញផ្សេងៗ។ លោកអ្នកមានចិត្តគំនិតល្អ និងសប្បុរសណាស់ ដែលអាចនឹងនាំលាភសំណាងធំក្នុងចូលក្នុងផ្ទះ រួមទាំងបង្កើនទំនាក់ទំនងស្អិតរមួតជាមួយ មនុស្សនៅក្នុងក្រុមការងារ។ លោកអ្នកក៏អាចនឹងត្រូវបានបន្ថែមបន្ទុកការងារធ្ងន់ជាងមុន ប៉ុន្តែសូមស៊ូទ្រាំបន្តិច និងព្យាយាមបំពេញការងារឲ្យបានល្អបំផុត​ ពីព្រោះលោកអ្នកកំពុង ទទួលបានការទទួលស្គាល់យ៉ាងធំពីថ្នាក់លើ។ ដោយឡែក សូមលោកអ្នកព្យាយាមជ្រើស រើសការងារដែលសមល្មមនឹងចំណេះជំនាញ ឬលទ្ធភាពរបស់ខ្លួនជានិច្ច។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះការគិត និងការសម្រេចចិត្តរបស់អ្នកស្ថិតក្នុងភាពវិជ្ជមាន។ លោកអ្នកជាអាជីវករនឹងទទួលបានប្រាក់ចំណេញច្រើន រីឯអតិថិជនទៀតសោត សុទ្ធតែពេញចិត្តនឹងការផ្តល់ជូនរបស់លោកអ្នក។ លើសពីនេះ សំណាងរបស់អ្នកនឹងនាំ មកអោយដោយមនុស្សធ្លាប់ស្គាល់ តែមិនមែនជាមនុស្សរួមក្រុមការងារនោះទេ។ ដូច្នេះសូម មានភាពរីករាយ ហើយអនុវត្តការងារតាមធម្មតា។ សម្រាប់ការផ្លាស់ប្តូរទៅក្នុងពេលនេះ អាចធ្វើទៅបានដោយគ្មានផលជំទាស់ទេ ដូច្នេះអ្នកមិនចាំបាច់រងចាំពេលវេលាបន្តទៅទៀត នោះទេ។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីរបស់លោកអ្នកឡើងខ្ពស់ត្រដែត។ ថ្ងៃនេះមានអំណោយផលល្អសម្រាប់កិច្ចការងារណាស់។ លោកអ្នកអាចធ្វើការបណ្តាក់ទុន ឬផ្លាស់ប្តូរការងារដែលអ្នកពេញចិត្ត ព្រោះអ្វីៗស្ថិតក្នុងដំណើរដ៏ប្រសើរ។ ក្នុងថ្ងៃនេះអ្នកក៏រំពឹងថានឹងទទួលបានដំណឹងដែលបានរងចាំជាយូរ ណាស់មកហើយផង។ លើសពីនេះ លោកអ្នកទទួលបានភាពស្វាហាប់ និងកំលាំងស្មារតី ក្លៀវក្លាណាស់ ដូច្នេះប្រសិនបើលោកអ្នកជាអ្នកគ្រប់គ្រងវិញនឹងអាចសម្រេចបានការងារ បាន។ ចំពោះការសហការនៅពេលនេះ ក៏ទាមទារជាពិសេសទៅលើភាពស្មោះត្រង់ និងនីតិ វិធីត្រឹមត្រូវផងដែរ ដូច្នេះសូមធ្វើការទៅលើករណីនេះ។

ចំណាំៈ

ឆ្នាំទាំង៤ ថោះ រោង រកា កុរ រាសីឡើងខ្ពស់ត្រដែត។ ថ្ងៃនេះអំណោយផលដល់ការចុះ ហត្ថលេខា ការសហការ និងការងារជាក្រុម។