ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ នៅក្នុងថ្ងៃនេះលោកអ្នកដូចជាមិនសូវជាខ្នះខ្នែង ក្នុងការចងមិត្ត ឬប្រាស្រ័យទាក់ទងជាមួយនឹងមនុស្សនៅជុំវិញខ្លួនប៉ុន្មានទេ ដូច្នេះហើយវា នឹងនាំមកនូវការចុះខ្សោយនៃទំនាក់ទំនង ពិសេសជាមួយថ្នាក់ដឹកនាំ។ ក្រៅពីនេះ សូមបដិ សេធការរិះគន់ ការបញ្ចេញមតិរបស់អ្នកត្រូវតែស្ថិតក្នុងភាពត្រឹមត្រូវបំផុត។ ក្រៅពីនេះ ហោរាសាស្រ្តណែនាំលោកអ្នកមិនអោយរស់នៅក្នុងភាពអវិជ្ជមាន។ បន្តធ្វើការងាររបស់អ្នក នោះអ្នកនឹងជួបនូវសំណាងល្អ។ ក្រៅពីនេះ លោកអ្នកនឹងមានការតស៊ូក្នុងការស្វះស្វែងរក ដំណោះស្រាយល្អបំផុតនៅក្នុងថ្ងៃនេះ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះស្រុតចុះ។ ហោរាសាស្រ្តអាជីពណែនាំលោកអ្នកមិនអោយធ្វើ ការហួសម៉ោង ឬហួសទម្រន់។ សក្តានុពលថាមពលរបស់អ្នកមានពេញលេញ ប៉ុន្តែថ្ងៃនេះ មិនទាន់ជាពេលវេលាសក្តិសមសម្រាប់ធ្វើអ្វីៗគ្រប់យ៉ាង​ ឬលះបង់ច្រើនពេកនោះទេ។ ចំពោះការងារសំខាន់ៗ ដូចជាការចុះហត្ថលេខា ការប្រើប្រាស់លុយកាក់ច្រើនមិនសមប្រកប ទេ ការខាតបង់អាចកើតឡើងដោយងាយ។ បើទោះបីជាយ៉ាងណាក្តី ការតស៊ូរបស់អ្នកនឹង ផ្តល់ផលល្អប្រសើរ ។ ដោយឡែក ប្រការចាំបាច់នៅពេលនេះ គឺសូមកុំមានការខកខាន ក្នុងការចូលរួមសកម្មភាពជាក្រុម។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះស្រុតចុះ។ ហោរាសាស្រ្តអាជីពព្រមានថា សកម្មភាពដោយឯកឯង របស់អ្នកអាចនាំអោយប៉ះពាល់ទៅដលើបុព្វហេតុការងារ និងលទ្ធផលការងារ។ ហេតុនេះ សូមធ្វើសកម្មភាពការងារដោយការប្រុងប្រយ័ត្ន ចូលរួមសហការជាមួយដៃគូ ឬស្នើសុំជំនួយ ពីមនុស្សដែលគួរទុកចិត្តនៅក្បែរខ្លួន។ ក្នុងនោះសូមធ្វើយ៉ាងណាបំពេញការងារដោយពឹង ផ្អែកទៅលើពត៌មានច្បាស់លាស់ មិនមែនប្រើប្រាស់អារម្មណ៍ដាច់ខាត។ ក្នុងនោះ​ សូមលោក អ្នកកុំបោះបង់ចោលការងារកណ្តាលទី ហើយការផ្តល់ការទទួលខុសត្រូវរបស់អ្នកទៅអោយ អ្នកដទៃក៏សូមជៀសវាង ពីព្រោះវានឹងនាំការខាតបង់ធ្ងន់ធ្ងរ។

ឆ្នាំថោះ      

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីលោកអ្នកថ្ងៃនេះល្អជាមធ្យម។ អាជីបរបស់អ្នកនៅក្នុងថ្ងៃនេះនឹងជួបការផ្លាស់ប្តូរជា ធម្មតា។ អ្នកអាចបំពេញការងារបានយ៉ាងត្រឹមត្រូវ។ ការចាកចេញពីកន្លែងការងារចាស់ ឬ បន្តការងារដដែលក៏គង់នឹងផ្តល់ផលប្រយោជន៍ដ៏ល្អប្រសើរដូចគ្នា។ ក្នុងនោះ វាប្រហែលជា ល្អប្រសើរជាង ប្រសិនបើអ្នកបំពេញការងារធម្មតា ការងារស្ថិតនៅក្នុងទម្រង់តូចល្មមដែល អាចងាយគ្រប់គ្រង និងអនុវត្ត។  ក្រៅពីនេះ លោកអ្នកអាចនឹងមានដំណើរបេសកកម្មការ ងារចុងខែនេះ ដូច្នេះសូមត្រៀមលក្ខណៈការងារអោយបានគ្រប់គ្រាន់។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកថ្ងៃនេះល្អជាមធ្យម។ កិច្ចការងារនានារបស់អ្នកនៅក្នុងពេលនេះមាន ដំណើរការល្អប្រសើរគួរអោយកត់សម្គាល់។ បញ្ហាខ្លះនៅមិនទាន់បានដោះស្រាយចប់សព្វ គ្រប់ ឬនឹងអាចជួបប្រទះខ្លះ ប៉ុន្តែវានឹងមិនរំខានលទ្ធផលការងារបស់អ្នកនោះទេ ពីព្រោះ អ្នកអាចធ្វើការដោះស្រាយបានដោយសន្តិវិធី។ ប្រការសំខាន់នៅពេលនេះសូមប្រយ័ត្ន ចំពោះការវាយតម្លៃ ពីព្រោះអ្នកអាចធ្លាក់ចូលទៅក្នុងអន្លាក់ ឬរូបភាពបន្លំភ្នែកប្រសិន មានការធ្វេសប្រហែស។ ក្រៅពីនេះ ជៀសវាងការបៀតបៀនការងាររបស់អ្នកដទៃ ព្រោះវា នឹងនាំកំហុស ព្រមទាំងការប៉ះពាល់ទំនាក់ទំនងធ្ងន់ធ្ងរផង។  

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ កិច្ចការងាររបស់លោកអ្នកមិនមានបញ្ហាមករាំងស្ទះឡើយ។ ថ្ងៃនេះជាពេលអំណោយផលសម្រាប់ការបង្ហាញគម្រោងការងារថ្មី ពីព្រោះលោកអ្នកទទួលបានអំណោយផលលើផ្នែកការទូត និងការទំនាក់ទំនងយ៉ាងខ្លាំង។ ចំពោះលោកអ្នកដែលប្រកបរបរអាជីវកម្ម អាចសំឡឹងមើលទិសដៅថ្មីបានយ៉ាងប្រាកដណាស់ ក្នុងនោះដៃគូជំនួញរបស់អ្នកនឹងផ្តល់ភាពស្មោះត្រង់ ព្រមទាំងការគាំទ្រយ៉ាងពេញទំហឹង។  ដោយឡែក ប្រសិនបើអ្នកនឹងធ្វើការផ្លាស់ប្តូរ ក៏នឹងទទួលបានផលដ៏ប្រសើរផងដែរ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះរាសីការងាររបស់អ្នកធានាបាននូវភាពវិជ្ជមាន និងសុទិដ្ឋនិយមក្រៃលែង។ ប៉ុន្តែសូមកុំរងចាំទទួលផលដោយមិនបានធ្វើសកម្មភាព។ អំណោយផលរបស់អ្នកក្នុងថ្ងៃនេះ គេលទ្ធភាពសម្រេចចិត្ត និងការគិតឆាប់រហ័ស។ អ្នកពោរពេញដោយផែនការ ហើយផែនការទាំងនោះនឹងមានមនុស្សជាច្រើនគាំទ្រយ៉ាងខ្លាំង ហេតុដូច្នេះសូមសម្រេចធ្វើការងារទៅតាមបំណងប្រាថ្នា។ ភាពអវិជ្ជមាន អាចកើតឡើងបន្តិចបន្តួច ប៉ុន្តែលោកអ្នកអាចដោះស្រាយបានយ៉ាងងាយ ដូច្នេះគ្មានអ្វីត្រូវបារម្ភទេ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ សធាតុមាស ពង្សទេវតាស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ ការងាររបស់អ្នកមានដំណើរការទៅជាប្រក្រតី ប៉ុន្តែលោកអ្នកហាក់គ្មានតុល្យភាពចំពោះសុខភាពនោះទេ។ សូមកុំធ្វើការហួសកំរិត ប៉ុន្តែងាកមកសន្សំកម្លាំងវិញ។ អ្នកមិនគួរបង្កើតការងារណាដែលទាមទារកំលាំងខ្លាំងនោះទេ។ ថ្ងៃនេះអ្នកពោរពេញទៅដោយផែនការ និងគំនិត ហើយលោកអ្នកអាចធ្វើការរួមគ្នាជាមួយមនុស្សក្នុងរង្វង់ការងារបាន ប៉ុន្តែមិនត្រូវដាក់បន្ទុកលើគេឡើយ។ លើសពីនេះ សូមជៀស វាងពីជម្លោះ និងបញ្ហារបស់អ្នកដទៃ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកមានលទ្ធភាពគ្រប់គ្រាន់ដើម្បីទទួលបានផលប្រយោជន៍ដ៏ធំក្នុងជំនួញ និងការងារ ប៉ុន្តែលក្ខខណ្ឌដ៏ចាំបាច់បំផុតក្នុងពេលនេះគឺត្រូវបដិសេធអារម្មណ៍រំជួល ចិត្តរវើរវាង និងសំដីទ្រគោះចំពោះមនុស្សនៅជុំវិញខ្លួន។ អ្នកអាចមានបញ្ហាជាមួយមិត្តនៅក្នុងក្រុម ហើយបន្តិចម្តងពួកគេនឹងបាត់ជំនឿលើអ្នក ប្រសិនបើអ្នកមិនគ្រប់គ្រងខ្លួនឯងទេ។ ក្រៅពីនេះ សូមលោកអ្នកកុំមើលស្រាលស្ថានការណ៍ ពិសេសគួរមានទំនាក់ទំនងប្រកបទៅដោយភាពយោគយល់ជាមួយមនុស្សនៅជុំវិញខ្លួន។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះឡើងស្រុតចុះ។ កិច្ចការងារនានារបស់អ្នកក្នុងថ្ងៃនេះអាចនឹងជួបប្រទះនឹងកំហុសឆ្គងឬភាពរអាក់រអួលច្រើន ដែលមានទំនោរពីមជ្ឈដ្ឋានខាងក្រៅជាជាងក្នុងរង្វង់ការងារ។ ព្យាយាមធ្វើកិច្ចការដោយម៉ត់ចត់ និងកុំធ្វើឲ្យមានការភ្ញាក់ផ្អើលដល់មិត្តរួមការងារ ក៏ដូចជាថ្នាក់លើក្តី។ ការចូលរួកក្នុងកិច្ចពិភាក្សាគួរតែយកចិត្តទុកដាក់មុននឹងបញ្ចេញយោបល់។ អ្វីៗគួរអនុវត្តន៍ទៅតាមគម្រោងផែនការ និងកាលវិភាគ។ ថ្ងៃនេះមិនមែនជាពេលវេលាសមស្របសម្រាប់ការចេញដំណើរបេសកកម្មផ្លូវឆ្ងាយនោះទេ ដូច្នេះបើអាចគួរផ្អាកសិន។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកនៅក្នុងថ្ងៃនេះល្អមធ្យម។  កិច្ចការរបស់អ្នកស្ថិតក្នុងសញ្ញាណវិជ្ជមាន ក៏ប៉ុន្តែភាពស្មុគ្រស្មាញក៏មានច្រើនដែរក្នុងពេលនេះ។ សូមជៀសវាងការប្រាស្រ័យទាក់ទងជាមួយថ្នាក់លើ ពីព្រោះភាពជំទាស់ និងកាយយល់ច្រលំបន្តិចបន្តួចអាចនឹងកើតឡើង។ ចូរប្រើប្រាស់ថ្ងៃនេះរៀបចំផែនការជាថ្មី ហើយត្រូវខិតខំប្រឹងប្រែងបញ្ចប់ការងារដែលកំពុងតែអនុវត្តន៍ ដើម្បិជាទុនដល់ភាពជោគជ័យក្នុងអនាគតដ៏ខ្លី។ មានព្រឹត្តការណ៍រីករាយជាច្រើននៅខាងមុខ ដូច្នេះសូមចំណាយពេលធ្វើការងារបន្ថែម។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ រាសីអាជីពការងារផ្តល់ដល់អ្នកនូវភាពចម្រើនលូតលាស់យ៉ាងខ្លាំងសម្រាប់រាល់កិច្ចការទាំងឡាយដែលអ្នកកំពុងធ្វើ និងគ្រោងទុក។ លោកអ្នកអាចដាក់បង្ហាញការងារទាំងនោះបាន ហើយអ្វីៗនឹងផ្តល់មកវិញនូវភាពវិជ្ជមានទាំងអស់។ លោកអ្នកដែលប្រកបការងាររដ្ឋអាចនឹងទទួលបានដំណឹងដ៏រីករាយទាក់ទងនឹងផែនការសកម្មភាពរបស់អ្នក។ នៅមានបញ្ហាមួយចំនួនដែលអ្នកជួបប្រទះ ប៉ុន្តែសូមកុំមានក្តីបារម្ភឡើយ។ អ្វីៗទាំងអស់អាចគ្រប់គ្រង និងដោះស្រាយបានដោយភាពងាយស្រួល។

ចំណាំៈ

ឆ្នាំទាំង៤ ម្សាញ់ មមី វក កុរ រាសីឡើងខ្ពស់ត្រដែត។ ថ្ងៃនេះអំណោយផលដល់ការចាប់ផ្តើម ការដោះស្រាយបញ្ហា និងការងារជាក្រុម។