តាកែវ៖ អភិបាលខេត្តតាកែវ ឯកឧត្តម អ៊ូច ភា នៅថ្ងៃទី១៤ ខែមិថុនា ឆ្នាំ២០២៣ បានចុះហត្ថលេខាលើ លិខិតផ្ដួចផ្ដើមស្ដីពីការប ង្កើត ទំនាក់ទំនងមេត្រីភាពរវាងខេត្តតាកែវ និងក្រុងវីហ្វាង នៃសាធារណរដ្ឋប្រជាមានិតចិន ដើម្បីផ្តល់ផលប្រយោជន៍ទៅវិ ញទៅមកក្នុងការធ្វើកិច្ចសហប្រតិបត្តិការចម្រុះលើគ្រប់វិស័យ។

នៅក្នុងលិខិតដែលបានចុះហត្ថលេខាដោយ ឯកឧត្តម អ៊ូច ភា បាន បញ្ជាក់ថា ផ្អែកលើគោលការណ៍នៃការទំនាក់ទំនងការទូតរវាង កម្ពុជា និង សាធារណរដ្ឋប្រជាមានិតចិន គឺ ក្នុង គោលបំណងពង្រឹង និងពង្រីកទំនាក់ទំនងកិច្ចសហប្រតិបត្តិការមេត្រីភាព និងធ្វើ ឱ្យប្រសើរនូវ ចំណងមិត្តភាពខេត្តតាកែវ និង ទី ក្រុងវីហ្វាង។ភាគីទាំងពីរឈរលើគោលការណ៍ស្មើភាពគ្នា និងផលប្រយោជន៍ទៅវិញទៅមកក្នុងការធ្វើកិច្ចសហប្រតិបត្តិការចម្រុះច្រើនរូបភាពលើគ្រប់វិស័យ រួមមាន សេដ្ឋកិច្ច ពាណិជ្ជកម្ម វិទ្យាសាស្រ្ត វប្បធម៌ ទេចរណ៍ អប់រំ កីឡា សុខា ភិបាល និងការផ្លាស់ប្ដូរធនធានមនុស្ស ដើម្បីលើកម្ពស់នូវ វិបុលភាព និងការអភិវឌ្ឍន៍រួម។

លោក មាស អ៊ុយ នាយករដ្ឋបាលខេត្តតាកែវ បានប្រាប់ ឱ្យដឹង នៅថ្ងៃទី ១៤ ខែមិថុនា ថា នេះ គឺជាលើកទី ១ហើយ ដែលរដ្ឋបាលខេត្តតាកែវ បានចុះហត្ថលេខាលិខិតផ្ដួចផ្ដើមបង្កើតទំនាក់ទំនងមេត្រីភាពរវាងខេត្តតាកែវ និងទី ក្រុងវីហ្វាងរបស់ចិន ខណៈពីមុនមករដ្ឋបាលខេត្តមិនដែលបានចុះហត្ថលេខាលើកិច្ចសហការ ឬចងសម្ព័ន្ធមេត្រីភាពជាមួយនឹងបណ្តាខេត្ត ឬក្រុងនៃប្រទេសណាមួយឡើយ។

លោកបានថ្លែង ថា គោលដៅនៃការចុះហត្ថលេខាលិខិតផ្តួចផ្តើម នេះ ក្នុងគោលសំណងសំខាន់ គឺចែករំលែកនូវ ព័ ត៌មានដែល ពាក់ព័ន្ធនឹងការ វិនិយោគ សេដ្ឋកិច្ច និងពាណិជ្ជកម្ម ព្រមទាំងវិស័យ អប់រំ នៃភាគី នៃខេត្ត និងទីក្រុង ទាំងពីរទៅវិញទៅមក។

ទាក់ទងនឹងបញ្ហានេះដែរ លោក គី សិរីវឌ្ឍន៍ អ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជា ក៏បាន ប្រាប់ឱ្យដឹង នៅថ្ងៃទី ១ ៤ ខែមិថុនាដែរថា នេះ គឺជារឿងមួយដ៏ ល្អដែលអាចជួយ ឱ្យមានទំនាក់រវាងប្រជាជន និង ប្រជាជន នៃប្រទេ សទាំងពីរ ។

លោក គី សិរីវឌ្ឍន៍ បានប្រាប់ថា ៖ «តាមរយៈទំនាក់ទំនងនេះ នឹងធ្វើ ឱ្យប្រជាជនចិនកាន់តែស្គាល់ប្រទេសកម្ពុជាបានកា ន់តែច្រើន ជាពិ សេសគឺ ខេត្តតាកែវ ហើយ ជាមួយគ្នានោះ ទាំងវិនិយោគ និងទេសចរចិន នឹងហូរមកកាន់ខេត្តតាកែវកា ន់តែច្រើនថែមទៀតដែរ» ៕ ដោយ៖ គឹម យុត្ថារ៉ូ