ស៊ីដនី៖ កិច្ចប្រជុំថ្នាក់ដឹកនាំប្រចាំឆ្នាំរបស់ឥណ្ឌូណេស៊ី-អូស្ត្រាលីសម្រេចបានកិច្ចព្រមព្រៀង លើវិស័យផ្សេងៗ។

នាយករដ្ឋមន្ត្រីអូស្ត្រាលី លោក Anthony Albanese និងប្រធានាធិបតីឥណ្ឌូនេស៊ី Joko Widodo បានព្រមព្រៀងគ្នា ក្នុងការពង្រឹងទំនាក់ទំនងអូស្ត្រាលី-ឥណ្ឌូនេស៊ី ដើម្បីប្រឈមមុខនឹងបញ្ហាប្រឈម និងឱកាសនាពេលអនាគត ជាការឯកភាពគ្នា នៅក្នុងកិច្ចប្រជុំថ្នាក់ដឹកនាំប្រចាំឆ្នាំនៅទីក្រុងស៊ីដនី ប្រទេសអូស្ត្រាលី កាលពីថ្ងៃអង្គារ ទី៤ ខែកក្កដា ឆ្នាំ២០២៣។

នាយករដ្ឋមន្ត្រីអូស្ត្រាលីបានផ្តួចផ្តើមគំនិតផ្តល់ថវិកាចំនួន៥០ លានដុល្លារអូស្ត្រាលី ដើម្បីត្រៀមសម្រាប់ការគំរាមកំហែងនៃការប្រែប្រួលអាកាសធាតុតាមរយៈភាពជាដៃគូផ្នែកអាកាសធាតុ និងហេដ្ឋារចនាសម្ព័ន្ធអូស្ត្រាលី-ឥណ្ឌូនេស៊ី។

មេដឹកនាំទាំងពីរស្វាគមន៍ការប្តេជ្ញាចិត្ត ២០០លានដុល្លាររបស់ប្រទេសអូស្ត្រាលី និងគ្រោងធ្វើជាដៃគូជាមួយក្រុមហ៊ុនអគ្គិសនីរដ្ឋរបស់ឥណ្ឌូនេស៊ី (PLN) សម្រាប់កន្លែងផ្តល់ហិរញ្ញប្បទានដើមទុនដើម្បីគាំទ្រការផ្លាស់ប្តូរថាមពលនៅក្នុងប្រទេសឥណ្ឌូនេស៊ី។

លោក Joko និងលោក Albanese បានយល់ស្របថា មានកិច្ចការជាច្រើនដែលត្រូវធ្វើដើម្បីបង្កើនសមាហរណកម្មសេដ្ឋកិច្ច និងការវិនិយោគផ្ទាល់ពីរផ្លូវរវាងប្រទេស។ អូស្ត្រាលី និងឥណ្ឌូណេស៊ីបានសហការគ្នា និងប្តេជ្ញាប្រឈមមុខនឹងបញ្ហាប្រឈម និងឱកាសនាពេលអនាគត។

លោក Albanese បាននិយាយថា ឥណ្ឌូណេស៊ីគឺជាប្រទេសដែលមានសារៈសំខាន់យ៉ាងសំខាន់សម្រាប់អូស្ត្រាលី៖ ភាពរុងរឿង សន្តិសុខ និងស្ថិរភាពធ្វើឱ្យតំបន់ឥណ្ឌូប៉ាស៊ីហ្វិកកាន់តែរីកចម្រើន សន្តិសុខ និងស្ថិរភាពជាងមុន។

ថ្នាក់ដឹកនាំទាំងពីរស្វាគមន៍កិច្ចព្រមព្រៀងពាណិជ្ជកម្មថ្មីមួយចំនួនរវាងឥណ្ឌូណេស៊ី និងអូស្ត្រាលីនៅទូទាំងផ្នែកសុខភាព ការជីកយករ៉ែ និងសេដ្ឋកិច្ចឌីជីថល។ ពួកគេក៏បានពិភាក្សាផងដែរអំពីឱកាសសម្រាប់ប្រទេសទាំងពីរឆ្ពោះទៅរកការផ្លាស់ប្តូរជាសកល ឆ្ពោះទៅរករថយន្តអគ្គិសនី នៅលើផ្លូវឆ្ពោះទៅរកការបំភាយឧស្ម័នសូន្យ៕ ប្រភពពី Tempo ប្រែសម្រួល៖ សារ៉ាត