ភ្នំពេញ៖ សម្តេចតេជោ ហ៊ុន សែន បានបង្ហោះលើបណ្ដាញសង្គមតេឡេក្រាម នៅយប់ថ្ងៃទី១៣ ខែកក្កដា ឆ្នាំ២០២៣ ថា យោងតាមសារសំឡេងនេះ ភ្លើងទៀនពិតជាយល់ខុសធ្ងន់ធ្ងរណាស់ និងជារបៀបប្រឆាំងផ្កាប់មុខ។

សម្ដេចបន្តថា យើងប្រាប់ទៅអស់លោកថា ច្បាប់មិនតម្រូវឲ្យអស់លោកផ្តិតមេដៃទទួលស្គាល់នោះទេ តែបើអស់លោកប្រឆាំងជាមួយច្បាប់ គុកជាអ្នកទទួលស្វាគមន៍អស់លោកគ្រប់ពេល។ បើអស់លោកមិនជឿសូមសាកល្បងមើល។

សម្ដេចតេជោហ៊ុន សែន បន្តថា យោងតាមសារសំឡេងនេះ អស់លោកកំពុងព្យាយាមបង្កើតរដ្ឋក្នុងរដ្ឋ គឺជារឿងគ្រោះថ្នាក់សម្រាប់អស់លោកផង និងគណបក្សភ្លើងទៀងផង ប្រសិនវាជាគំនិតរបស់ថ្នាក់ដឹកនាំបក្ស។

សម្ដេចតេជោបានបន្ថែមថា អស់លោកមិនបាច់សួរថា” សំឡេងនេះខ្ញុំបានពីណានោះទេ ហើយខ្ញុំក៏មិនលួចស្តាប់អស់លោកដែរ តែមេដឹកនាំរាប់សិបនាក់ខំបញ្ជូនមកឪ្យខ្ញុំ “៕ ដោយ :វណ្ណលុក