រដ្ឋមន្ត្រីកីឡាកូរ៉េខាងជើងបាននិយាយតាមវិបសាយ Jason Sports របស់ពួកគេនៅថ្ងៃអង្គារទី៦ខែមេសាឆ្នាំ២០២១នេះថាពួកគេនឹងមិនចូលរួមប្រកួតតូក្យូអូឡាំពិកឆ្នាំនេះឡើយដើម្បីការពារអត្តពលិកពួកគេពីការឆ្លងជំងឺកូវីដ១៩។
ការសម្រេចចិត្តនេះត្រូវបានធ្វើឡើងនៅក្នុងកិច្ចប្រជុំគណៈកម្មាធិការអូឡាំពិកកូរ៉េខាងជើងកាលពីថ្ងៃទី២៥ខែមីនា ដែលមានរដ្ឋមន្ត្រីកីឡា Kim Il Guk ចូលរួមផងដែរ។
លោក Il Guk និយាយថា៖ «គណកម្មាធិការបានសម្រេចមិនចូលរួមអូឡាំពិកលើកទី៣២ដើម្បីការពារអត្តពលិកពីវិបត្តិសុខភាពសកលបង្កឡើងដោយមេរោគកូរ៉ូណា»។
កិច្ចប្រជុំនោះក៏បានពិគ្រោះអំពីវិធីអភិវឌ្ឍបច្ចេកវិទ្យាកីឡាអាជីព រកមេដាយនៅក្នុងការប្រកួតអន្តរជាតិ និងលើកស្ទួយសកម្មភាពកីឡាសាធារណៈក្នុងរយៈពេល៥ឆ្នាំខាងមុខ៕
