ភ្នំពេញ៖ គណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា បានសម្រេចឱ្យប្រើប្រាស់ឡូហ្គោ( Logo )ថ្មីដែលមានរូបសម្តេចទាំងបី ដែលមានរូបគឺ សម្តេច អគ្គ មហាពញាចក្រី ហេង សំរិន ប្រធានកិត្តិយសគណបក្ស, សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស និងសម្តេចមហាបវរធិបតី ហ៊ុន ម៉ាណែត អនុប្រធាន គណបក្ស សម្រាប់ការប្រារព្ធខួបអនុស្សាវរីយ៍លើកទី៤៥ នៃ ទិវាជ័យជម្នះ ៧មករាខាងមុខនេះ ។ នេះបើយោងតាម ខុទ្ទ កាល័យនៃគណៈ កម្មាធិការ កណ្តាល បានជម្រាបជូនប្រធាន គណៈកម្មាធិការគណបក្ស រាជធានី ខេត្ត និងក្រសួង ស្ថាប័ន នៅថ្ងៃទី១៧ ខែធ្នូ ឆ្នាំ២០២៣ ។

សេចក្ដីប្រកាសរបស់ខុទ្ទកាល័យនៃគណៈកម្មាធិការកណ្តាលគណបក្សបករជាជនកម្ពុជា បានបញ្ជាក់ថា ខុទ្ទ កាល័យ នៃគណៈកម្មាធិការកណ្តាល សូមជម្រាបជូនឯកឧត្តម លោកជំទាវប្រធាន គណៈកម្មាធិការគណបក្សរាជធានី ខេត្ត និងក្រសួង ស្ថាប័នទាំងអស់ មេត្តាជ្រាបថា៖ សម្រាប់ការប្រារព្ធខួបអនុស្សាវរីយ៍លើកទី៤៥ នៃទិវាជ័យជម្នះ ៧មករាខាងមុខនេះ គណៈអចិន្ត្រៃយ៍នៃគណៈកម្មាធិការ កណ្តាល បានសម្រេចឱ្យប្រើប្រាស់ Logo ថ្មីដែលមានរូប សម្តេចទាំងបី ដូចជូនភ្ជាប់ជាមួយ។ រូបសម្តេចទាំងបី ក៏ត្រូវ បន្តប្រើប្រាស់ទៅមុខទៀតសម្រាប់ការឃោសនាបោះឆ្នោត ទាំងសកល និងអសកលផងដែរ ។

អាស្រ័យហេតុនេះ សូមឯកឧត្តម លោកជំទាវប្រធាន មេត្តា ជ្រាប និងចាត់ចែងផលិតប្រើប្រាស់ ឱ្យបានទាន់ពេលវេលា ៕
ដោយ៖វណ្ណលុក