កំពង់ស្ពឺ៖ ព្រឹត្តិការណ៍ Test Drive Together ជាការប្រកួតបើកបរសាកល្បងលើកដំបូង មានប្រភេទរថយន្ត JDM ជាង២០គ្រឿងចូលរួម នៅទីលានយ៉ាម៉ាម៉ូតុ ខេត្តកំពង់ស្ពឺ បញ្ចប់ដោយជោគជ័យ និងទទួលបានកិត្តិយសពីអ្នកឧកញ៉ា ម៉ុង ឫទ្ធី និងលោកស្រីជំទាវ បំពាក់មេដាយជូនម្ចាស់ជ័យលាភីទាំង៣ និងមានអ្នកចូលរួមទស្សនាប្រមាណជាង២០០នាក់ ព្រឹត្តការណ៍នេះ VKH ហ្គារ៉ាស់ សហការជាមួយ D-Block និង Dr Car Accessories ។

លោក វង្ស គឹមហួត ដែលគេស្គាល់ថាជាម្ចាស់ហ្គារ៉ាស់ VKH និងជាកីឡាករឆ្នើម ក្នុងវិស័យកីឡាយានយន្តមួយរូប បានផ្ដួចផ្ដើម បង្កើតអោយមានការបើកបរសាកល្បង Test Drive Together ដើម្បីចូលរួមពង្រឹងបច្ចេកទេសយានយន្ត បច្ចេកទេសអ្នកបើកបរ ការយល់ដឹងពីលក្ខន្តិកៈប្រណាំង មុនឈានទៅដល់ការរៀបចំប្រកួតលក្ខណៈស្ដង់ដា ជាពិសេសយល់ដឹងបន្ថែមពីច្បាប់នៃការប្រើប្រាស់រថយន្តប្រណាំងអោយបានត្រឹមត្រូវលើផ្លូវសារធារណ កុំអោយបង្កគ្រោះថ្នាក់ដល់ខ្លួន និងអ្នកដ៏ទៃ ដោយបើកបរតាមល្បឿនកំណត់ និងគោរពច្បាប់ចរាចរ។

លោក វង្ស គឹមហួត ការបើកបរសាកល្បង ឬ Test Drive Together នេះ មិនផ្តោតលើបច្ចេកទេសខ្លាំងទេ គ្រាន់តែជាការផ្តល់ឪកាសអ្នកស្រឡាញ់ និងចូលចិត្តរៀបរថយន្ត កែច្នៃរថយន្ត អាចបើកសាកល្បងបញ្ចេញសមត្ថភាព មិត្តភាព បង្កភាពសប្បាយរីករាយ ដើម្បីចូលរួមលើកកម្ពស់វិស័យកីឡាយានយន្តអោយកាន់តែរីកចំរើនបន្ថែមទៀតនៅកម្ពុជា។ លោក រំពឹងថា ព្រឹត្តការណ៍បន្ទាប់និងមានអ្នកចូលរួមកាន់តែច្រើនមកពីគ្រប់ទិសទី ជាពិសេសដៃគូសហការពីក្រុមហ៊ុនឯកជននានា ជួយឧបត្ថម្ភគាំទ្រជាផលិតផល សម្ភារៈ និងថវិកា ដើម្បីបង្ហាញពីស្មារតីចូលរួមផ្សព្វផ្សាយទាក់ទាញវិស័យទេសចផ្នែកយានយន្តមកកម្ពុជាកាន់តែច្រើន ។

គួរបញ្ជាក់ថា ជាលទ្ធផលការបើកបរសាកល្បង ឬ Test Drive Together រយៈពេល១ថ្ងៃ ចំណាត់ថ្នាក់លេខ១ បានទៅលើកីឡាករ Yean Phirakyuth និង Co-driver , លេខ២ បានទៅលើកីឡាករ Tem និង Michael និងលេខ៣ បានទៅលើកីឡាករឈ្មោះ D-Block និង Co-driver៕ អត្ថបទ-រូបភាព លោក ចាន់ វិចិត្រ

អត្ថបទ-រូបភាព លោក ចាន់ វិចិត្រ