ភ្នំបេញ៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលពីថ្ងៃទី២៨ ខែកុម្ភៈ ឆ្នាំ២០២៤ នេះបានទទួលជួបពិភាក្សាការងារជាមួយគណៈប្រតិភូនៃក្រុមប្រឹក្សាធុរកិច្ចអាមេរិក-អាស៊ាន (US-ASEAN Business Council) ដឹកនាំដោយលោក Brian D. McFeeter អនុប្រធានជាន់ខ្ពស់ និងជានាយកគ្រប់គ្រងនៃក្រុមប្រឹក្សាធុរកិច្ចអាមេរិក-អាស៊ាន និងតំណាងមកពីស្ថានទូតសហរដ្ឋអាមេរិក ព្រមទាំងសមាជិកជាន់ខ្ពស់ប្រមាណ ១៥ក្រុមហ៊ុន នាំមុខនៅសហរដ្ឋអាមេរិក នៅទីស្តីការក្រសួងប្រៃសណីយ៍ និងទូរគមនាគមន៍ ។

កិច្ចពិភាក្សានេះផ្តោតជាសំខាន់ ក្នុងគោលបំណងដើម្បីឈ្វេងយល់ពីវឌ្ឍនភាពវិស័យទូរគមនាគមន៍ និងបច្ចេកវិទ្យាឌីជីថលនៅកម្ពុជា ក៏ដូចជាលទ្ធភាពក្នុងការចូលរួមចំណែកជួយដល់ការធ្វើបរិវត្តកម្មឌីជីថល និងជួយពង្រឹងកិច្ចសហប្រតិបត្តិការទ្វេភាគីរវាងក្រសួង និងក្រុមហ៊ុនធំៗរបស់សហរដ្ឋអាមេរិក ៕

ដោយ ង៉ាន់ ទិត្យ
រូបភាព រិន រចនា