កំពង់ចាម៖ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ ចាម នៅព្រឹកថ្ងៃទី១៥ ខែមីនា ឆ្នាំ២០២៤ នេះ បាន អញ្ជើញ ជាអធិបតី ក្នុងពិធីសម្ពោធសមិទ្ធផលនានា ក្នុងវត្តអម្ពវ័ន សត្ថារាម ហៅ វត្តស្វាយតានាន់ ស្ថិតក្នុងឃុំព្រែករំដេង ស្រុកស្រីសន្ធរ ។

ក្នុងឱកាសនោះ លោក ស៊ីម គង់ អភិបាលស្រុកស្រីសន្ធរ បាន លើក ឡើងថា ការកសាង ការអភិវឌ្ឍ ទាំងផ្នែកពុទ្ធចក្រ និង អាណាចក្រ បានដើរទន្ទឹមគ្នា ស្របពេលដែលប្រទេសមាន សុខសន្តិភាព ស្ថេរភាពនយោបាយ និងការអភិវឌ្ឍ ដែល ទាំងអស់នេះ គឺជាគោលនយោបាយរបស់រាជរដ្ឋាភិបាល ធ្វើឱ្យប្រជាពលរដ្ឋមានជីវភាពធូរធា និងរស់នៅក្នុង សុខ សន្តិភាព ដែលជាតំរូវការចាំបាច់របស់ប្រជាពលរដ្ឋ ក្នុង នោះដែរក៏មានការចូលរួមពីផ្នែកពាក់ព័ន្ធ និងសប្បុរសជននានា ដែលមានវប្បធម៌ចែករំលែកដ៏ល្អ ក្នុងការអភិវឌ្ឍនេះ ។

ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម បានមាន ប្រសាសន៍ដែរថា ព្រះពុទ្ធសាសនា បានដើរតួនាទីដ៏សំខាន់ នៅក្នុងសង្គមខ្មែរ តាំងពីសម័យបុរាណរហូតមកទល់បច្ចុប្បន្ន ។ ព្រះពុទ្ធសាសនា បានជួយសង្គមខ្មែរយើងក្នុងការ ថែរក្សា ក្បួន ច្បាប់ ទំនៀមទម្លាប់ ប្រពៃណី វប្បធម៌ អក្សរសាស្ត្រដ៏ ផូរផង់របស់យើងឱ្យរស់រានមានជីវិត រហូតដល់សព្វថ្ងៃ បើ ទោះបីជា ស្ថិតនៅក្រោមការគម្រាមកំហែងដោយសង្គ្រាម នៃ ប្រវត្តិសាស្តយ៉ាងណាក៏ដោយ ៕
អត្ថបទនិងរូបភាព៖លីពៅ