កិច្ចសហប្រតិបត្តិការកម្ពុជា-កូរ៉េ ជួយកែលម្អជីវភាពគ្រួសារកម្ពុជាកាន់តែប្រសើរ
ភ្នំពេញ៖ នៅក្នុងជំនួបពិភាក្សាការងារជាមួយ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅទីស្តីការក្រសួងការងារ លោក LEE Jaeyoo (លី ជេយូ) អគ្គស្នងការ នៃអគ្គស្នងការដ្ឋានអន្តោប្រវេសន៍របស់កូរ៉េខាងត្បូង លើកឡើងថា កិច្ចសហប្រតិបត្តិការកម្ពុជា-កូរ៉េ ជួយ ពលរដ្ឋកម្ពុជា ទទួលបានទាំងជំនាញបច្ចេកទេសវិជ្ជាជីវៈ និងចំណូល ដើម្បីកែលម្អជីវភាពគ្រួសារកាន់តែប្រសើរ។
ឯកឧត្តម ហេង សួរ បានថ្លែងអំណរគុណចំពោះ លោក លី ជេយូដែលតែងតែផ្តល់កិច្ចសហប្រតិបត្តិការគាំទ្រយ៉ាងល្អចំពោះវិស័យការងារ នៃប្រទេសទាំងពីរ ប្រកបដោយផ្លែផ្កាសម្រាប់ប្រជាជាតិទាំងសងខាងហើយតាមរយៈសហប្រតិបត្តិការដ៏ល្អនេះ ក្រសួងការងារដែលជាសេនាធិការជូនរាជរដ្ឋាភិបាលបានចុះអនុស្សរណៈយោគយល់គ្នាជាមួយខេត្ត ក្រុង ស្រុក របស់សាធារណរដ្ឋកូរ៉េ ចំនួន ២៦ ផ្សេងគ្នា កំពុងដំណើរការដោយរលូន និងទទួលបានការស្វាគមន៍ពីប្រជាពលរដ្ឋ៕
ប្រភព ៖ ក្រសួងការងារ
![](https://asset.ams.com.kh/central/media/2024/04/photo_2024-04-21_11-16-42-1024x682.jpg)
![](https://asset.ams.com.kh/central/media/2024/04/photo_2024-04-21_11-16-41-683x1024.jpg)
![](https://asset.ams.com.kh/central/media/2024/04/photo_2024-04-21_11-16-40-1024x682.jpg)
![](https://asset.ams.com.kh/central/media/2024/04/photo_2024-04-21_11-16-37-1024x683.jpg)