៣ខែដើមឆ្នាំ ព្រលានយន្តហោះ Heathrow របស់អង់គ្លេស ទទួលបានអ្នកដំណើរជាង ១៨លាននាក់
អត្ថបទដោយ៖
ឈឹម ទីណា
ឡុងដ៍៖ Heathrow របស់ចក្រភពអង់គ្លេស ដែលជាអាកាសយានដ្ឋានដ៏មមាញឹកបំផុតមួយរបស់ពិភពលោក ក្នុងរយៈពេល ៣ខែដំបូងនៃឆ្នាំ២០២៤នេះ ទទួលបានអ្នកដំណើរសរុបចំនួន ១៨.៥លាននាក់។
អាកាសយានដ្ឋាន Heathrow របស់ចក្រភពអង់គ្លេស បាននិយាយនៅក្នុងសេចក្តីថ្លែងការណ៍ថា កំណើនអ្នកដំណើរក្នុងពេល៣ខែនេះ បានឆ្លុះបញ្ចាំងពីដំណើរការដ៏រឹងមាំរបស់យើង ហើយយើងរំពឹងថា សម្រាប់ឆ្នាំ២០២៤នេះ Heathrow ទទួលបានអ្នកដំណើររហូតដល់ ៨២.៤លាននាក់។
បើតាមសេចក្តីថ្លែងការណ៍ដដែល Heathrow មានផែនការពង្រឹងប្រតិបត្តិការអោយកាន់តែរឹងមាំបន្ថែម ដើម្បីរក្សាអាកាសយានដ្ឋានឱ្យដំណើរការដោយរលូន បន្ទាប់ពីព្រលានយន្តហោះដ៏ល្បីរបស់ចក្រភពអង់គ្លេសមួយនេះ ទទួលបានអ្នកដំណើរចំនួន ៧៩.២លាននាក់៕
![](https://asset.ams.com.kh/central/media/2024/04/photo_2024-04-26_13-11-43-1024x569.jpg)
ប្រភព: AFP ប្រែសម្រួលដោយ: ឈឹម ទីណា
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។