វ៉ាក់សាំងសង្គ្រោះជីវិតទារក ១០០លាននាក់
អត្ថបទដោយ៖
លន់ សារ៉ាត
ការសិក្សាថ្មីមួយ របស់អង្គការសុខភាពពិភពលោក ហៅកាត់ WHO បានឲ្យដឹងថា វ៉ាក់សាំង ឬ ថ្នាំបង្ការបានជួយសង្គ្រោះជីវិតទារក ចំនួន១០១លាននាក់ ក្នុងរយៈពេល ៥០ឆ្នាំ ចុងក្រោយនេះ។
ការសិក្សា បានបញ្ជាក់ទៀតថា វ៉ាក់សាំងប្រឆាំងជំងឺកញ្ជ្រឹល បានជួយកុមារច្រើនជាងគេ។ ក្រៅពីនេះ ក៏មាន វ៉ាក់សាំងបង្ការជំងឺគ្រុនផ្តាសាយ, រលាកស្រោមខួរ, ក្អកមាន់, រលាកសួត, ស្វិតដៃជើង, និងរបេង ជាដើម ដែលសុទ្ធតែបានជួយសង្គ្រោះជីវិតទារក។
ការសិក្សាដែលចេញផ្សាយដោយ Unicef, សម្ព័ន្ធវ៉ាក់សាំង Gavi និងមូលនិធិ The Bill & Melinda Gatesនេះ ត្រូវបានចេញផ្សាយ ក្នុងពេលដែលអង្គការ WHO បានផ្តល់ការវិភាគដ៏ទូលំទូលាយ អំពីប្រសិទ្ធិភាពវ៉ាក់សាំងលើ ជំងឺ១៤ប្រភេទ ក្រោមកម្មវិធីពង្រីកលើការចាក់ថ្នាំបង្ការ ហៅកាត់ EPI ហើយកម្មវិធីនេះ គ្រោងនឹងប្រារព្ធខួប ៥០ឆ្នាំ នាខែក្រោយ៕
ប្រភពពី AFP ប្រែសម្រួល៖ សារ៉ាត
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ