ណៃពិដោ៖ ប្រទេសមីយ៉ាន់ម៉ាបានស្វាគមន៍ភ្ញៀវទេសចរបរទេសជាង ៤៣០,០០០នាក់ក្នុងរយៈពេល ៤ខែដំបូងនៃឆ្នាំ២០២៤នេះ ដោយភាគច្រើនមកពីប្រទេសចិន និងថៃ។

ប្រធាននាយកដ្ឋានសណ្ឋាគារ និងទេសចរណ៍មីយ៉ាន់ម៉ា លោក Tin ឡើងវិញ បានបញ្ជាក់ថា នេះជាការកើនឡើងជាង ៧០ ភាគរយនៃការមកដល់របស់ភ្ញៀវទេសចរបរទេស បើធៀបនឹងរយៈពេលដូចគ្នាកាលពីឆ្នាំមុន ដែលមានភ្ញៀវទេសចរបរទេសតែជាង ២៥ម៉ឺននាក់។

លោក Tin Zaw Myint បន្តថា ការបើកតំបន់ព្រំដែនឡើងវិញ និងការខិតខំប្រឹងប្រែងដោយនាយកដ្ឋានរបស់គាត់ បានធ្វើឱ្យការធ្វើដំណើរមានភាពងាយស្រួលសម្រាប់ភ្ញៀវអន្តរជាតិ ដែលនាំឱ្យភ្ញៀវទេសចរបរទេសកើនឡើងយ៉ាងគំហុកនៅឆ្នាំនេះ។

លោកបន្ថែមថា លើសពីនេះ អ្នកទេសចរណ៍ក្នុងស្រុកក៏កំពុងកើនឡើងផងដែរ ដោយទទួលបានជាង ២.៥លាននាក់ ដែលធ្វើដំណើរនៅទូទាំងប្រទេសមីយ៉ាន់ម៉ា ចាប់ពីខែមករា ដល់ខែមីនា ឆ្នាំ២០២៤៕

ប្រភព៖ The Star ប្រែសម្រួលដោយ៖ ឈឹម ទីណា