សម្តេចប្រធានកាកបាទក្រហមកម្ពុជា ចាត់ចូលរួមរំលែកទុក្ខ ប្រជាពលរដ្ឋ ២គ្រួសារ កូនបាត់បង់ជីវិតក្នុងឧបទ្ទវហេតុគ្រោះថ្នាក់ចរាចរណ៍
ស្វាយរៀង៖ ដោយមើលឃើញពីសេចក្តីសោកសង្រេងនូវទឹកចិត្តរបស់ឳពុកចំពោះការបាត់បង់កូនជាទីស្រឡាញ់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យឯកឧត្តមវេជ្ជបណ្ឌិត អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា និងលោកជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជា ខេត្តស្វាយរៀង ព្រមទាំងថ្នាក់ដឹកនាំនិងក្រុមប្រតិបត្តិសាខា បានចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាមួយចំនួន ចូលរួមរំលែកទុក្ខ ចំនួន ២គ្រួសារ ដែលមានកូនបាត់បង់ជីវិតក្នុងឧបទ្ទវហេតុគ្រោះថ្នាក់ចរាចរណ៍។ គ្រួសាររងគ្រោះទាំង២ មានទីលំនៅក្នុងភូមិត្របែកប្រហោង ឃុំតាសួស ស្រុកស្វាយជ្រំ ខេត្តស្វាយរៀង។
ឯកឧត្តមវេជ្ជបណ្ឌិត អ៊ុយ សំអាត បាននាំប្រសាសន៍ចូលរួមរំលែកទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាមួយគ្រួសារសពទាំងពីរ ដែលបានបាត់បង់កូនជាទីស្រឡាញ់ និងសូមឧទ្ទិសបួងសួងដល់ដួងវិញ្ញាណក្ខន្ធ យុវជន ផាត ភារិត និងយុវជន តូច សុធា សូមបានចាប់កំណើតកើតក្នុងសុគតិភព កុំបីឃ្លៀងឃ្លាតឡើយ៕
ដោយ / គ្រី សម្បត្តិ
![](https://asset.ams.com.kh/central/media/2024/05/photo_2024-05-30_09-53-28-1024x682.jpg)
![](https://asset.ams.com.kh/central/media/2024/05/photo_2024-05-30_09-53-27-1024x682.jpg)
![](https://asset.ams.com.kh/central/media/2024/05/photo_2024-05-30_09-53-25-1024x682.jpg)
![](https://asset.ams.com.kh/central/media/2024/05/photo_2024-05-30_09-53-24-1024x682.jpg)
![](https://asset.ams.com.kh/central/media/2024/05/photo_2024-05-30_09-53-23-1024x682.jpg)