ឧបករណ៍ សម្ភារៈអគ្គិសនី អំណោយរបស់ឯកឧត្តម កែ គឹមយ៉ាន ត្រូវបានប្រគល់ជូនវិទ្យាល័យជប់វារី
បន្ទាយមានជ័យ៖ឧបករណ៍ សម្ភារៈអគ្គិសនី ដែលជាអំណោយរបស់ឯកឧត្តម កែ គឹមយ៉ាន តំណាងរាស្ត្រមណ្ឌលខេត្តបន្ទាយ មានជ័យនិងជាឧត្តមប្រឹក្សាផ្ទាល់ព្រះមហាក្សត្រនិងលោកជំទាវត្រូវបានក្រុមការងារប្រគល ទទួលជូនដល់អគារពហុបច្ចេកទេស ស្ថិតនៅវិទ្យាល័យជប់វារី ស្រុកព្រះនេត្រព្រះរួមជាមួយការបើកវគ្គបណ្ដុះបណ្ដាលជំនាញអគ្គិសនីផងដែរ។
អគារពហុបច្ចេកទេសនៅវិទ្យាល័យជប់វារី ផ្ដួចផ្ដើមសាងសង់ និងគាំទ្រពីឯកឧត្តម កែ គឹមយ៉ាន និងលោកជំទាវនៅឆ្នាំ២០១៤ ហើយសង់រួចរាល់នៅឆ្នាំ២០១៥។សាលាបានដំណើរការបង្រៀននិងបណ្ដុះបណ្ដាលដល់សិស្សលើផ្នែកកុំព្យូទ័រនិងភាសា អង់គ្លេសរហូតមកដល់ឆ្នាំ២០១៩ ត្រូវបានផ្អាកដំណើរការដោយសារជំងឺកូវីដ១៩។
![](https://asset.ams.com.kh/central/media/2024/06/photo_2024-06-03_12-34-48-1024x682.jpg)
លោក ភុក ទិច ប្រធានការិយាល័យអប់រំ យុវជន និងកីឡាស្រុកព្រះនេត្រព្រះ និងលោក ហ៊ូ ប៊ុនហេង បានឱ្យដឹងថា ដោយទទួលបានការឧបត្ថម្ភពីឯកឧត្តម កែគឹមយ៉ាននិងលោកជំទាវ ទើបអគារពហុបច្ចេកទេស បានចាប់ផ្ដើមបើកវគ្គបណ្ដុះ បណ្ដាលជំនាញអគ្គិសនីឡើងវិញដល់យុវជនក្រៅសាលា និងសិស្សក្នុងសាលារយៈពេលសិក្សាបីខែចាប់ពីខែមិថុនាដល់ ខែសីហា។ក្នុងមួយសប្តាហ៍សិក្សាពីរថ្ងៃនៅថ្ងៃអាទិត្យនិងថ្ងៃព្រហស្បតិ៍។វគ្គទី១មានសិក្ខាកាមចំនួន ៣៣នាក់ (ស្រី១០នាក់) បង្រៀនដោយគ្រូអគ្គិសនីក្នុងសាលាពីររូប។ សិក្ខាកាមទទួលបានសម្លៀកបំពាក់ឯកសណ្ឋានឧបត្ថម្ភដោយលោក ឃូ ពៅ អភិបាលស្រុកព្រះនេត្រព្រះ។
![](https://asset.ams.com.kh/central/media/2024/06/photo_2024-06-03_12-34-47-1024x682.jpg)
ឯកឧត្តម អ៊ី ឡុង តំណាងរាស្រ្តមណ្ឌលខេត្តបន្ទាយមានជ័យ លោក យឹម សំណាងអភិបាលរងខេត្តបានផ្តាំផ្ញើដល់សិក្ខាកាម សូមយកចិត្តទុកដាក់ស្ដាប់និងខិតខំរៀនសូត្រយកនូវមុខជំនាញនេះឱ្យបានច្បាស់លាស់ដើម្បីពង្រីកចំណេះដឹងរបស់ខ្លួនឱ្យ ក្លាយទៅជាប្រភពចំណូលជួយដល់ជីវភាពគ្រួសារ។
ចំណែកឯកឧត្តម ឈើយ ចាន់ណា សមាជិកព្រឹទ្ធសភាបានដាស់តឿនថា ត្រូវមានចំណង់ចំណូលចិត្តផ្ទាល់ខ្លួនផង ទើប
ការជ្រើសរើសយកជំនាញបានចំគោលដៅត្រឹមត្រូវ៕
![](https://asset.ams.com.kh/central/media/2024/06/photo_2024-06-03_12-34-50-1024x682.jpg)
![](https://asset.ams.com.kh/central/media/2024/06/photo_2024-06-03_12-34-54-1024x682.jpg)
![](https://asset.ams.com.kh/central/media/2024/06/photo_2024-06-03_12-34-55-1024x682.jpg)
![](https://asset.ams.com.kh/central/media/2024/06/photo_2024-06-03_12-34-49-1024x682.jpg)
![](https://asset.ams.com.kh/central/media/2024/06/photo_2024-06-03_12-34-52-1024x682.jpg)
ដោយ៖ឃិន គន្ធា