ប្រទេសដាណឺម៉ាក និងអាល្លឺម៉ង់ បានរួមគ្នាកសាងផ្លូវរថភ្លើងក្រោមសមុទ្រ និងផ្លូវរូងក្រោមដី ដែលវែងជាងគេលើពិភពលោក និងមានតម្លៃជាង ៥ពាន់លានដុល្លារ។

គម្រោងនេះនឹងតភ្ជាប់ភាគខាងត្បូងប្រទេសដាណឺម៉ាក ទៅភាគខាងជើងប្រទេសអាល្លឺម៉ង់ ហើយរួមចំណែកដល់ការប្រើប្រាស់ថាមពលពណ៌បៃតងរបស់វិស័យដឹកជញ្ជូន។

ផ្លូវរថភ្លើងក្រោមសមុទ្រ និងផ្លូវរូងក្រោមដី នេះ មានឈ្មោះថា Fehmarnbelt។ គេរំពឹងថា នឹងបើកដំណើរការនៅឆ្នាំ ២០២៩ ដែលវានឹងជួយកាត់បន្ថយរយៈពេលធ្វើដំណើរតាមសាឡាង ដែលត្រូវចាយពេលអស់៤៥នាទី នាពេលបច្ចុប្បន្ននេះ មកនៅត្រឹម ៧នាទីតាមរថភ្លើង។

ក្រុមហ៊ុន Sund & Baelt ដែលជាក្រុមហ៊ុនសាងសង់ផ្លូវនេះ បានអះអាងថា វានឹងក្លាយជាផ្លូវរូងក្រោមដីដែលវែងជាងគេបំផុតលើពិភពលោក ហើយវាក៏នឹងរួមបញ្ចូលផ្លូវរថភ្លើងអគ្គិសនីផងដែរ៕

ប្រភព: euronews ប្រែសម្រួលដោយ: ឈឹម ទីណា