ឯកឧត្តមរដ្ឋមន្ដ្រីកសិកម្ម ជំរុញលើកកម្ពស់ការស្រាវជ្រាវ ឌីជីថលវិស័យកសិកម្ម ការដាំដុះ ទិន្នផលជាក់ស្តែង និងរូបភាពផ្កាយរណបពាក់ព័ន្ធវិស័យកសិកម្ម
(ភ្នំពេញ)៖ ក្នុងកិច្ចប្រជុំពិនិត្យផែនការសកម្មភាពបរិវត្តកម្ម រដ្ឋាភិបាលឌីជីថលឆ្នាំ២០២៤-២០២៦ នៅទីស្តីការក្រសួងកសិកម្ម កាលពីថ្ងៃទី០២ ខែកក្កដា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់អំពីសារៈសំខាន់នៃនវានុវត្តន៍ភាពឱ្យបានខ្លាំងក្លា ជាពិសេសការពង្រឹងសន្តិសុខឌីជីថល (Cyber Security)ឱ្យមានប្រសិទ្ធិភាពទៅលើកម្មវិធីកសិកម្ម គេហទំព័រ ការផ្តល់ឯកសារសេវាសាធារណៈ ប្រការចាំបាច់ត្រូវមានភាពម្ចាស់ការ ការគ្រប់គ្រងដឹកនាំ និងមានយុទ្ធសាស្ត្រច្បាស់លាស់ ។
![](https://asset.ams.com.kh/central/media/2024/07/photo_2024-07-03_14-46-46-1024x575.jpg)
ឯកឧត្តមរដ្ឋមន្ត្រី ណែនាំឱ្យក្រុមការងារតាមដាន និងវាយតម្លៃ សកម្មភាពនេះចេញបានទាន់ពេលវេលា ដែលនេះជារឿងសំខាន់ សម្រាប់គ្រប់ជំនាញទាំងអស់ ជួយសម្រួលដល់ការងារកសិកម្ម ក៏ដូចជាមន្រ្តីកសិកម្មឃុំ នៅតាមបណ្តាខេត្ត។ លើសពីនេះទៅទៀត ឯកឧត្តមរដ្ឋមន្ដ្រីបានជំរុញការលើកកម្ពស់ការស្រាវជ្រាវ ឌីជីថលវិស័យកសិកម្ម ការដាំដុះ ទិន្នផលជាក់ស្តែងទៅតាមទីតាំង និងរូបភាពផ្កាយរណបផ្សេងៗពាក់ព័ន្ធវិស័យកសិកម្ម។
សូមជម្រាបជូនថា គោលបំណងនៃកិច្ចប្រជុំបច្ចេកវិទ្យាឌីជីថលនេះ គឺបង្កើនប្រសិទ្ធភាពការងារ បង្កើនទំនុកចិត្តលើការផ្តល់សេវាសាធារណៈតាមបែបឌីជីថល ដើម្បីគាំទ្រដល់ការអភិវឌ្ឍវិស័យកសិកម្ម និងចូលរួម លើកកម្ពស់ជីវភាពកសិករឱ្យកាន់តែប្រសើរឡើង៕
![](https://asset.ams.com.kh/central/media/2024/07/photo_2024-07-03_14-46-50-1024x575.jpg)
![](https://asset.ams.com.kh/central/media/2024/07/photo_2024-07-03_14-46-53-1024x575.jpg)
![](https://asset.ams.com.kh/central/media/2024/07/photo_2024-07-03_14-46-51-2-1024x575.jpg)
![](https://asset.ams.com.kh/central/media/2024/07/photo_2024-07-03_14-46-51-1024x575.jpg)
![](https://asset.ams.com.kh/central/media/2024/07/photo_2024-07-03_14-46-52-1024x574.jpg)
![](https://asset.ams.com.kh/central/media/2024/07/photo_2024-07-03_14-46-53-2-1024x575.jpg)
ប្រភព ៖ ក្រសួងកសិកម្ម