ថៃ រៀបចំពិព័រណ៍ពាណិជ្ជកម្មជាប់ព្រំដែនអន្តរជាតិដូង ស្រុកកំរៀង
បាត់ដំបង៖បន្ទាប់ពីស្ងប់ស្ងាត់មួយរយៈកន្លងមក នាជិតចុង សប្ដាហ៍មន្ទីរពាណិជ្ជកម្មខេត្ត និងរដ្ឋបាលខេត្តច័ន្ទបុរីប្រទេសថៃ និងសម្របសម្រួលរៀបចំដោយសមាគមលក់ដូរនិង ទេស ចរណ៍ព្រំដែន ថៃ-កម្ពុជា នៃខេត្តច័ន្ទបុរី បានរៀបចំពិព័រណ៍ ពាណិជកម្មមួយចាប់ពីថ្ងៃទី១០ ដល់ថ្ងៃទី១៤ ខែកក្កដា ឆ្នាំ២០២៤ នៅក្នុងទឹកដីថៃក្នុងឃុំទេពនិមិត្ត ស្រុកប៉ូងណាំរ៉ង ជាប់នឹងមាត់ច្រកទ្វារព្រំដែនអន្តរជាតិបានឡែម ប្រទេស ថៃនិងច្រកទ្វារអន្តរជាតិដូង នៃស្រុកកំរៀង ខេត្តបាត់ដំបង ប្រទេសកម្ពុជា។
អាន៖ព្រឹត្តិការណ៍ពិព័រណ៍ពាណិជ្ជកម្មថៃឆ្នាំ២០២៤នេះ តំណាងក្រុមហ៊ុនពាណិជ្ជករ អាជីវករកម្ពុជាចំនួន ៣០ដែល មានទីតាំងនៅក្នុងខេត្តបាត់ដំបង លោក សុខ ដែន អភិបាល ស្រុកកំរៀង ខេត្តបាត់ដំបង កងកម្លាំងតាមបន្ទាត់ព្រំដែនគោក សមត្ថកិច្ច ជំនាញនៃច្រកទ្វារព្រំដែនអន្តរជាតិដូង មន្ត្រីពាក់ព័ន្ធក្នុងស្រុកជាច្រើនរូប ត្រូវបានអញ្ជើញទៅចូលរួមជាភ្ញៀវ កិត្តិយស។
![](https://asset.ams.com.kh/central/media/2024/07/photo_2024-07-12_15-35-20-1024x626.jpg)
ថ្លែងក្នុងពិធីនេះលោកបណ្ឌិត រ៉ាតថាវីដ តាំងកៀត ផាឆារ៉ា (Dr.Radthawittangkiatph achara)ប្រធានសមាគម លក់ដូរ និង ទេសចរណ៍ព្រំដែនថៃ-កម្ពុជា នៃ ខេត្តច័ន្ទបុរីបាន បញ្ជាក់ពីគោលបំណងក្នុងការរៀបចំព្រឹត្តិការណ៍ការដាក់តាំងពិព័រណ៍ឆ្នាំ២០២៤ នេះថា សម្រាប់ប្រជាជននៃប្រទេស ទាំង ពីរ មាន ឱកាសបានលក់ បានទិញនូវផលិតដែលមានគុណភាព ល្អយកទៅប្រើប្រាស់និងដើម្បីជួបគ្នា រវាងអាជីវករនិងក្រុមហ៊ុន បានផ្លាស់ប្តូរនិងដោះដូរទំនិញជាមួយគ្នា ជាពិសេសប្រជា ជន ដែលរស់នៅជាយដែនជាប់ភូមិផងរបងជាមួយគ្នាបាន កាន់ តែងាយស្រួលថែមទៀត។
ការជំរុញវិស័យពាណិជ្ជកម្មនៅខេត្តជាប់ព្រំដែនរវាងថៃ-កម្ពុជា ពិសេសខេត្តច័ន្ទបុរីនិងខេត្តបាង់ដំបង ឱ្យមានភាពអ៊ូអររស់រវើកឡើងវិញក្រោយពីជួបនូវវិបត្តជាសកលបន្តបន្ទាប់កន្លងមក ក៏ស្ថិតនៅក្នុងគោលបំណងនៃការរៀបចំពិពរ័ណ៍នេះដែរ។
![](https://asset.ams.com.kh/central/media/2024/07/photo_2024-07-12_15-35-09-1024x576.jpg)
ចំណែកលោក មន្តសិទ្ធិ៍ ផៃសាន ធនវ័ត្ត អភិបាលខេត្តច័ន្ទបុរី ថ្លែងក្នុងកម្មវិធីបើកពិព័រណ៍ថាកាលពី២០ឆ្នាំមុនច្រកទ្វារ នៅទីនេះមិនមានសកម្មភាពដោះដូរទំនិញនិងអ៊ូអររវាង ប្រទេសទាំងពីរទេ។ប៉ុន្តែបន្ទាប់ពីការធ្វើពាណិជ្ជកម្មរវាង ប្រទេសទាំងពីរ ,ខេត្តទាំងពីរ,អាជីវករ ពាណិជ្ជករនិង ក្រុមហ៊ុននៃប្រទេសទាំងពីរកន្លងមក បានធ្វើឱ្យទីនេះរស់រវើក កាន់តែផ្តល់ឱកាសឱ្យក្រុមហ៊ុន ពាណិជ្ជករ អាជីវករនិង ប្រជាជននៃខេត្តជាប់ព្រំដែនទាំងពីរ បានជួបគ្នាផ្លាស់ ប្តូរទំនិញទៅវិញទៅមកជាមួយគ្នា។
អភិបាលខេត្តច័ន្ទបុរីបានទាញអារម្មណ៍ថា ក្នុងឱកាស តាំងពិព័រណ៍នេះ ក៏មានតំណាងក្រុមហ៊ុននិងអាជីវករ របស់កម្ពុជា៣០ ក្រុមហ៊ុន បានជួបគ្នានិងចុះកិច្ចសន្យាក្នុង ការលក់ ទិញទំនិញទៅវិញទៅមកជាមួយគ្នាផងដែរ។
![](https://asset.ams.com.kh/central/media/2024/07/photo_2024-07-12_15-34-57-1024x642.jpg)
លោកអភិបាលខេត្តដដែលបានរំពឹងទុកថាតាមរយៈព្រឹត្តិការណ៍ពិព័រណ៍នេះនឹងធ្វើឱ្យចលនាសេដ្ឋកិច្ចក្នុងការនាំចេញ នាំចូលរវាងប្រទេសទាំងពីរ និងកាន់តែប្រសើរឡើងថែម ទៀត។
សូមជម្រាបថា ពិព័រណ៍ពាណិជ្ជកម្មព្រំដែនថៃ-កម្ពុជា មានស្តង់លក់ដូរចំនួន១៥០ស្តង់បានដាក់បង្ហាញនិងលក់ផលិតផលចម្រុះគ្រប់មុខ នៅទីនោះនិងមានតំណាងក្រុមហ៊ុន ពាណិជ្ជករ អាជីវករ របស់កម្ពុជាចំនួន៣០ក្រុមហ៊ុនបាន ចូលរួមដែរ៕
![](https://asset.ams.com.kh/central/media/2024/07/photo_2024-07-12_15-35-32-1024x621.jpg)
![](https://asset.ams.com.kh/central/media/2024/07/photo_2024-07-12_15-35-39-1024x604.jpg)
( អត្ថបទ-រូបភាព៖ អ៊ុក សំអាន បប. )