កម្ពុជា និងរុស្ស៊ី បញ្ជាក់ជាថ្មីនូវការបេ្តជ្ញាចិត្ត ដើម្បីលើកស្ទួយឧត្តមានុភាពនៃទំនាក់ទំនងសេដ្ឋកិច្ច
![](https://asset.ams.com.kh/central/media/2024/07/photo_2024-07-12_17-28-05-1024x682.jpg)
(ភ្នំពេញ)៖ ឯកឧត្តម ឃួន ផុនរតនៈ រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ បានទទួលជួបជាមួយ ឯកឧត្តម Anatoly Borovik ឯកអគ្គរដ្ឋទូតនៃសហព័ន្ធរុស្ស៊ី ប្រចាំព្រះរាជាណាចក្រកម្ពុជា នៅទីស្តីការក្រសួង នៅថ្ងៃទី១១ ខែកក្កដា ឆ្នាំ២០២៤ ។
ដោយផ្អែកលើមូលដ្ឋានគ្រឹះនៃភាពជាដៃគូមិត្តភាពរវាងកម្ពុជា និងរុស្ស៊ី ឯកឧត្តម រដ្ឋលេខាធិការ និង ឯកឧត្តមឯកអគ្គរដ្ឋទូត បានពិភាក្សា អំពី សក្តា នុពល សម្រាប់កិច្ចសហប្រតិបត្តិការកាន់តែស៊ីជម្រៅរវាងប្រទេសទាំងពីរ ទាំង ក្នុងក្របខ័ណ្ឌទ្វេភាគី និងពហុភាគី។ ថ្នាក់ដឹកនាំទាំងពីរ បានគូសបញ្ជាក់ជាថ្មី នូវការបេ្តជ្ញាចិត្ត ដើម្បីលើកស្ទួយឧត្តមានុភាពនៃទំនាក់ទំនងសេដ្ឋកិច្ច តាមរយៈយន្តការគន្លឹះផ្សេងៗ រាប់បញ្ចូលទាំងកិច្ចប្រជុំគណៈកម្មការអន្តររដ្ឋាភិបាល ។
![](https://asset.ams.com.kh/central/media/2024/07/photo_2024-07-12_17-28-01-1024x682.jpg)
កិច្ចការតំបន់ និងអន្តរជាតិមួយចំនួន ដែលជាក្តីបារម្ភរួម ក៏ត្រូវបានលើកយកមកពិភាក្សាផងដែរ ៕
ដោយ ៖ សួង ពិសិដ្ឋ
![](https://asset.ams.com.kh/central/media/2024/07/photo_2024-07-12_17-27-58-1024x682.jpg)
![](https://asset.ams.com.kh/central/media/2024/07/photo_2024-07-12_17-28-11-1-1024x682.jpg)
![](https://asset.ams.com.kh/central/media/2024/07/photo_2024-07-12_17-28-16-1024x682.jpg)