បរទេស៖ សហរដ្ឋអាមេរិក នាពេលថ្មីៗនេះ បានចាប់ផ្តើមប្រើប្រាស់ក្បួនឡានល្បាត ប្រើប្រាស់ថាមពលអគ្គិសនី ឬ EV ជាលើកដំបូង ដោយចាប់ផ្តើមនៅ ទីក្រុង South Pasadena នៃរដ្ឋកាលីហ្វ័រញ៉ា ភាគខាងត្បូង។

ជាជំហ៊ានដំបូង ប៉ូលីសរដ្ឋកាលីហ្វ័រញ៉ា បានប្រើរថយន្តរបស់ក្រុមហ៊ុន Tesla ចំនួន ២០គ្រឿង តម្លៃសរុប ជិត២លានដុល្លារ រួមមាន Tesla Model Y ចំនួន១០គ្រឿង និង Tesla Model 3 ចំនួន១០គ្រឿង ដោយបញ្ជាក់ថា រថយន្ត EV ទាំងនេះត្រូវជំនួសឡានប៉ូលីសដែលប្រើប្រេងឥន្ធនៈ។

សមាជិកក្រុមប្រឹក្សាក្រុង South Pasadena បាននិយាយទៀតថា ការផ្លាស់ប្តូរនេះមានសារៈសំខាន់ ជាពិសេស នៅក្នុងតំបន់ Los Angeles ដែលនៅតែមានខ្យល់អាកាសមិនល្អបំផុត។ លោកសង្ឃឹមថា នាយកដ្ឋានប៉ូលីសៗផ្សេងទៀត នៅក្នុងតំបន់ និងរដ្ឋនានា នឹងផ្លាស់ទៅប្រើប្រាស់ឡានអគ្គិសនី ដូចគ្នា។

ប្រភពពី Yahoo ប្រែសម្រួល៖ សារ៉ាត