(ភ្នំពេញ)៖ ទិន្នន័យក្បាលដីរបស់បងប្អូនប្រជាពលរដ្ឋចំនួន៥ភូមិ រួមមានភូមិក្តីតាកុយ ភូមិវាលស្បូវ ភូមិស្វាយតាអុក ភូមិព្រែកជាងព្រុំ និងភូមិស្វាយតាអុក១ សង្កាត់វាលស្បូវ ខណ្ឌច្បារអំពៅ ត្រូវបានរដ្ឋបាលខណ្ឌ សហការជាមួយមន្ទីរ រៀបចំដែនដី នគររូបនីយ កម្ម សំណង់ និងសុរិយោដីរាជធានីភ្នំពេញ និងការិយាល័យសុរិយោដីខណ្ឌ បានរៀបចំ ពិធីបិទផ្សាយជាសារធារណៈនូវឯកសារនៃការវិនិច្ឆ័យ ដីធ្លីដែលមានលក្ខណៈជាប្រព័ន្ធ ដើម្បីទុកពេលអោយបងប្អូនដែលជាម្ចាស់ដីផ្ទៀងផ្ទាត់ឯកសារអោយ​បាន​ត្រឹមត្រូវក្នុង រយៈពេល ១៥ថ្ងៃគិតចាប់តាំងពីថ្ងៃបិទផ្សាយនេះទៅ ។

ពិធីនេះប្រព្រឹត្តទៅនៅព្រឹកថ្ងៃទី៣០ ខែសីហា ឆ្នាំ២០២៤ ក្រោមវត្តមានលោក ចេង មុនីរ៉ា អភិបាលខណ្ឌច្បារអំពៅតំណាងឯកឧត្តមឃួង ស្រេង អភិបាលរាជធានីភ្នំពេញ ,លោក ពឹង រតនៈ អនុប្រធានមន្ទីររៀបចំដែនដី នគរូបនីយកម្ម សំណង់ និង​សុរិយោ​ដីរាជធានីភ្នំពេញ, លោកលឹម ពី ប្រធាការិយាល័យរៀបចំដែនដី នគរូបនីយកម្ម សំណង់ និងសុរិយោដីខណ្ឌច្បារអំពៅ និងមានការចូលរួមពីប្រជាពលរដ្ឋជាង៣០០នាក់ ។

លោក ចេង មុនីរ៉ា អភិបាលខណ្ឌច្បារអំពៅតំណាងឯកឧត្តមឃួង ស្រេង អភិបាលរាជធា​នី​ភ្នំពេញ​មានមតិទៅកាន់ប្រជាពលរដ្ឋដូច្នេះថា ពិធីបិទផ្សាយជាសាធារណៈនៅឯកសារ​នៃ​ការវិនិច្ឆ័យ មានលក្ខណៈជាប្រព័ន្ធនាពេលនេះពិតជាមានតម្លៃណាស់សម្រាប់​បងប្អូន​ប្រជាពលរដ្ឋដែលជាម្ចាស់ដី ដូច្នេះ ហើយ សូមបងប្អូនអញើញមកពិនិត្យ ផ្ទៀងផ្ទាត់​អោយ​បានច្បាស់លាស់ក្នុងរយៈពេល១៥ថ្ងៃនេះ។ ព្រោះថាប័ណ្ណកម្មសិទ្ធិគឺមានផល​ប្រយោជន៍ជាច្រើន ធានានូវសិទ្ធិរបស់អ្នកក្នុងការធ្វើជាម្ចាស់អចលនៈវត្ថុ​ឬការ​កាន់កាប់ដីធ្លីស្របច្បាប់គ្មានជនណាមករំលោភបំពានបានឡើយ ។

សូមបងប្អូនប្រជាពលរដ្ឋត្រូវប្រញាប់រួសរាន់ទៅពិនិត្រមើលការបិទ ឯកសារ នៃការវិនិច្ឆ័យដីធ្លីដែលមានរយៈពេល១៥ថ្ងៃ គិតចាប់ពីថ្ងៃទី៣០ ខែសីហា រហូតដល់ថ្ងៃទី១៥ ខែកញ្ញា ឆ្នាំ២០២៤ គឺរាប់បញ្ជូលទាំងថ្ងៃឈប់សម្រាក់។ ដេីម្បីមានលទ្ធភាពអោយម្ចាស់ដី និងនាក់ពាក់ព័ន្ធធ្វើការផ្ទៀងផ្ទាត់ឈ្មោះ ស្ថានភាពគ្រួសារ និងក្បាល់ដីរបស់ខ្លួន ព្រមទាំងធ្វើការតវ៉ាក្នុងករណីមានការខុសឆ្គង់ បើកក្នុងករណីផុតរយះពេលកំណត់នៅការបិទផ្សាយបងប្អូនប្រជាពលរដ្ឋមិនអាចជំទាស់តវ៉ាបានទៀតឡើយ។

ជាមួយគ្នានេះដែរលោកអភិបាល បានធ្វើការអំពាវនាវ ដល់អាជ្ញាធរមូលដ្ឋាន រួមទាំងបង​ប្អូន​ប្រជាពលរដ្ឋ ដែលបានចូលរួមនាពេលនេះ ពេលត្រឡប់ទៅ​មូលដ្ឋានវិញសូមបន្ត​ធ្វើការ​ផ្សព្វផ្សាយពីពិធីបិទផ្សាយជាសាធារណៈនូវឯកសារនៃការវិនិច្ឆ័យ​លើការចុះ​បញ្ជីដីធ្លីមានលក្ខណៈជាប្រព័ន្ធបានដឹង នឹងពិនិត្យផ្ទៀងផ្ទាត់ទិន្នន័យដែលក្រុមការងារ​ចុះបញ្ជីរ​ដីធ្លីមានលក្ខណៈជាប្រព័ន្ធរបស់មន្ទីរដែលបានអនុវត្តតាមនីតិ​វិធីអោយបាន​គ្រប់ៗគ្នា ។

ក្នុងឱកាសនេះលោកអភិបាលខណ្ឌបានអំពាវនាវបន្ថែមដល់បងប្អូនប្រជាពលរដ្ឋនៅក្នុងមូលដ្ឋានបើមានផ្ទះជួលសូមកុំឲ្យជួលអោយ ក្រុមរកស៊ីបើកល្បែងស៊ីសងគ្រប់ប្រភេទជា​ពិសេស​ល្បែង​ឡូតូតាមអនឡាញជាដើម ។ ការចូលរួមរបស់បងប្អូនគឺ​មានន័យថា បង​ប្អូនបានរួមចំណែកជាមួយអាជ្ញាធរក្នុងការលុបបំបាត់ល្បែងស៊ីសងគ្រប់ប្រភេទនិងមួយផ្នែកទៀតបងប្អូនបានចូលរួមអនុវត្តបទបញ្ជារបស់សម្ដេចធិបតី ហ៊ុន ម៉ាណែត នាយក​រដ្ឋមន្ត្រីនៃព្រះរាជាណាចក្រកម្ពុជាក្នុងការលុបបំបាត់ល្បែងស៊ីសងគ្រប់ប្រភេទមិនឲ្យមាននៅក្នុងប្រទេស ៕

ដោយ ៖ វណ្ណលុក