ព្រះវិហារ៖បញ្ជាការដ្ឋានតំបន់ប្រតិបត្តិការសឹករងព្រះវិហារកាល​ពី​ថ្ងៃទី៤ ខែវិច្ឆិកា ឆ្នាំ២០២៤​ទទួលបានអាវរងារដែល​ជាអំណោយ​ដ៏ថ្លៃថ្លា​របស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធាន​ឧត្តមទីប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងសម្តេចធិបតី ហ៊ុន ម៉ាណែត នាយករដ្ឋមន្ត្រីនិង​លោក​ជំទាវបណ្ឌិត ពេជ ចន្ទមុន្នី សម្រាប់ចែកជូនដល់​នាយទាហាន នាយ​ទាហានរង និងពលទាហាន នៃតំបន់ប្រតិបត្តិការសឹករងខេត្ត និងបណ្តា​អង្គភាពចំណុះ តំបន់ប្រតិបត្តិការ​សឹករងព្រះវិហារ ។

ក្នុងឱកាសនោះលោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់​ប្រតិបត្តិការសឹករងព្រះវិហារបានលើកឡើងថា សម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន និងសម្តេចធិបតី ហ៊ុន ម៉ាណែត និងលោកជំទាវ​បណ្ឌិត​ជានិច្ច​ជាកាលតែងបានគិតគូរយកចិត្តដាក់ពីសុខទុក្ខ និងជីវភាពរស់នៅ​របស់កងទ័ព ជាពិសេសនៅក្នុងរដូវរងារ សម្តេចបាន​ផ្តល់អាវរងារ និង​ក្នុងរដូវវស្សាសម្តេចបានផ្តល់អាវភ្លៀងដើម្បីផ្តល់ភាពកក់ក្តៅដល់កងទ័ពទាំងអស់ ទាំងនៅជួរមុខ និងជួរក្រោយ។
ក្នុងឱកាសនេះលោកបានផ្សព្វផ្សាយផែនការ និងសភាពការណ៍ថ្មីៗ ជូនដល់កងទ័ពទាំងអស់ផងដែរ ៕
ដោយ៖ឡុង សំបូរ