បរទេស ៖ តុលាការធម្មនុញ្ញរបស់ប្រទេសកូរ៉េខាងត្បូង បានចាប់ផ្តើមដំណើរការនីតិវិធី ករណីលោកប្រធានាធិបតី Yoon ដែលត្រូវបានចោទប្រកាន់ ជុំវិញច្បាប់អាជ្ញាសឹក។

បើតាមទីភ្នាក់ងារសារព័ត៌មាន យ៉ុនហាប់ រដ្ឋអាជ្ញាកូរ៉េខាងត្បូងបានប្រាប់ នៅថ្ងៃអង្គារនេះថា លោក ​Yoon Suk Yeol​ ត្រូវបន្តបង្ហាញខ្លួន ដល់ចុងសប្តាហ៍ ដើម្បីសាកសួរ ជុំវិញច្បាប់អាជ្ញាសឹកបរាជ័យ របស់លោក។

លោក Yoon ដែលត្រូវបានព្យួរពីតំណែង កាលពីថ្ងៃសៅរ៍ កំពុងត្រូវបានស៊ើបអង្កេត ដោយប៉ូលីស, ក្រសួងការពារជាតិ និងអង្គភាពប្រឆាំងអំពើពុករលួយ។

ប្រធានាធិបតីរូបនេះ អាចប្រឈមមុខនឹងការជាប់ពន្ធនាគារអស់មួយជីវិត ឬ សូម្បីតែ ទោសប្រហារជីវិត ប្រសិនបើរកឃើញថា មានកំហុស។

ការប៉ុនប៉ងរយៈពេលខ្លីរបស់លោក ដើម្បីព្យួរការគ្រប់គ្រងប្រទេសបែបស៊ីវិល ទៅជាការគ្រប់គ្រង តាមរបបសឹក បានធ្វើឱ្យប្រទេសនេះ ធ្លាក់ចូលក្នុងភាពចលាចលនយោបាយ ដ៏អាក្រក់បំផុត មិនធ្លាប់មាន ក្នុងរយៈពេលជាច្រើនឆ្នាំ មកនេះ៕

ប្រភពពី AFP ប្រែសម្រួល៖ សារ៉ាត