ភ្នំពេញ៖ថ្ងៃទី២៩ ខែធ្នូ ឆ្នាំ២០២៤ គឺខួបលើកទី២៦ “ទិវាសន្តិភាព នៅកម្ពុជា (២៩ ធ្នូ ១៩៩៨-២៩ ធ្នូ ២០២៤) ដែល​គ្រប់គ្នាទទួល យកដោយបេះដូង ។ទិវាសន្តិភាពនៅកម្ពុជា ជាសច្ចភាពនៃប្រវត្តិ សាស្ត្រដែលបង្ហាញពីការ​លះបង់​ដើម្បី​បុព្វហេតុជាតិ របស់ឥស្សរជន ស្នេហាជាតិកម្ពុជា ។សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី ប្រធានព្រឹទ្ធសភា ប្រធានគណបក្សប្រជាជន កម្ពុជា ធ្លាប់បានបញ្ជាក់ថា ដើម្បីទទួលបាននូវសន្តិភាពពេញលេញ​នា​ឆ្នាំ១៩៩៨ សម្ដេចតេជោ បានយកជីវិតធ្វើជាដើមទុនដោយចូល ទៅកាន់សម្បុកខ្មែរក្រហម​ដើម្បីបញ្ចប់​សង្រ្គាម ទាំងសង្រ្គាមពុំ ទាន់បញ្ចប់។

ឆ្នាំ២០២៤នេះក៏ជាឆ្នាំដំបូង ដែល “ទិវាសន្តិភាពនៅកម្ពុជា”ត្រូវ បានកំណត់ជាថ្ងៃបុណ្យជាផ្លូវការ និងអនុវត្តតរៀងទៅ ។
ជា​ការ​ពិតណាស់!ក្រោយទទួលបានជ័យជម្នះក្នុងថ្ងៃទី៧ ខែមករា ឆ្នាំ១៩៩៧ ដែលមានសម្តេចតេជោ ហ៊ុន សែន និង​ឥស្សរជន ស្នេហា ជាតិកម្ពុជាមួយចំនួនទៀត បានប្តូរផ្តាច់យកជីវិតធ្វើជាដើមទុន ដើម្បី រំដោះប្រទេសចេញពីរបប​ប្រល័យ​ពូជសាសន៍ ប៉ុន្តែកម្ពុជានៅមិន ទាន់ សង្គ្រោះបានទាំងស្រុងនោះឡើយ។

សម្តេចតេជោ ហ៊ុន សែន វីរបុរសសង្គ្រោះជាតិ និងជាបិតាសន្តិភាព កម្ពុជា បានចំណាយពេលជាង១៩ឆ្នាំ គិតពីថ្ងៃ៧ ខែមករា ឆ្នាំ១៩៩៧ រហូតដល់ថ្ងៃ២៩ ខែធ្នូ ឆ្នាំ១៩៩៨ ដើម្បីស្វែងរកការឯកភាពជាតិមួយ ពេញលេញ ។នៅថ្ងៃទី២៩ ខែធ្នូ១៩៩៨ សម្តេចតេជោ ហ៊ុន សែន ស្ថាបនិកនយោបាយឈ្នះ-ឈ្នះ បានដាក់ចេញ និងអនុវត្តប្រកបដោយ​ជោគជ័យ​នយោបាយឈ្នះ-ឈ្នះ ដែលបាននាំមកនូវការឯក ភាព ជាតិរវាងខ្មែរនិងខ្មែរ ពីច្រើនក្រុម ច្រើនពណ៌ មកជាខ្មែរតែមួយ រហូត នាំមកនូវសុខសន្តិភាពពេញលេញ ការឯកភាពជាតិជាធ្លុងមួយដ៏រឹងមាំ រហូតមកដល់សព្វថ្ងៃនេះ។

លទ្ធផលនៃនយោបាយឈ្នះ ឈ្នះ គឺផ្តើមចេញពីគោលនយោបាយ ៣ ចំណុច និងយុទ្ធសាស្រ្ត៥ ដែលឈានទៅ​រំលាយ​ចោលអង្គការ​ចាត់ តាំងនយោបាយយោធារបស់ខ្មែរក្រហម នាំមកនូវការបង្រួបបង្រួម ជាតិ និងឯកភាព​ទឹកដី ។នយោបាយ​ឈ្នះឈ្នះ​៣យ៉ាង គឺទី១. ការធានា រូបកាយ និងអាយុជីវិត ។ជាការ​ធានា​នូវសុវត្ថិភាពខាងផ្នែក សន្តិសុខ ផ្ទាល់ខ្លួនរបស់បុគ្គល និង​គ្រួសារ​ដែលបានស្ម័គ្រចិត្តបញ្ចប់សង្គ្រាម និងការប្រយុទ្ធ ហើយ​វិលត្រឡប់មករួមរស់នៅក្នុងចរន្តនៃសង្គមជាតិវិញ ។ទី២. ការធានាអាជីព និងមុខរបរ ពោលធានានូវសុវត្ថិភាព​ខាង​ផ្នែកអាជីព ដោយផ្ទាល់ជូនអ្នកទាំងអស់នូវលទ្ធភាព​គ្រប់គ្រាន់​ក្នុងការ បន្តមុខរបរ និងការរកស៊ីចិញ្ចឹមជីវិតដែលពួក​គេធ្លាប់​មានកន្លងមក និងទី៣.ធានាកម្មសិទ្ធទ្រព្យសម្បត្តិទាំង​ចលន​ទ្រព្យ និងអចលនទ្រព្យ ពោលធានាខាងផ្នែកកម្មសិទ្ធដែល​គេធ្លាប់មាន និងកាន់កាប់ក្នុងរយៈ ពេលកន្លងមកដោយ​គ្មាន​ការដកហូត ឬរុះរើឡើយ។

ចំណែកយុទ្ធសាស្ត្រទាំង៥ ដែលគេហៅថា យុទ្ធសាស្ត្រ DIFID មកពីអក្សរកាត់នៃភាសាអង់គ្លេស DIFID ដែលមាន​ពេញលេញ មកពីពាក្យ Divide (បំបែក) Isolate (ធ្វើឱ្យឯកោ) Finish (បញ្ចប់) Integrate (សមាហរណកម្ម) Develop (អភិវឌ្ឍ)។

ដោយឡែកសម្រាប់អត្ថន័យនៃទិវាសន្តិភាពនៅកម្ពុជា មាន៥ចំណុច ដើម្បីជាការ​ឆ្លើយតបទៅនឹងបំណង​ប្រាថ្នាដ៏​ពិសិដ្ឋ​របស់ប្រជាជន កម្ពុជា។ទី១.គឺការស្រឡាញ់សន្តិភាព គឺការស្អប់ខ្ពើមសង្គ្រាម។ទី២. ជាការរំលឹកដល់ការសម្រេចបាននូវ​ការបញ្ចប់សង្គ្រាមទាំងស្រុង និងការកសាងបាននូវសន្តិភាព និងឯកភាពពេញលេញ ដោយ នយោបាយឈ្នះ ឈ្នះ កាលពី​ថ្ងៃ២៩ ធ្នូ ឆ្នាំ១៩៩៨ ។ទី៣. ជាការរំលឹក ដឹងគុណ និងចងចាំជានិច្ច នូវគំរូវីរៈភាព​អង់អាចក្លាហាននូវការ ធ្វើពលីកម្មគ្រប់​បែប​យ៉ាងរបស់វីរៈបុរសស្នេហាជាតិ វីរៈនារីស្នេហាជាតិ ដែលបានប្រយុទ្ធតស៊ូយ៉ាង​ស្វិតស្វាញ ក្នុងការបញ្ចប់សង្គ្រាម ហើយការសម្រេចបាននូវការបង្រួបបង្រួមជាតិ ជាមួយការឯកភាព ជាតិនេះ។ទី៤ .ជាការ​ដាស់តឿន ដើម្បីក្រើនរំលឹកដល់​ប្រជាជនកម្ពុជា គ្រប់ជំនាន់កុំឱ្យភ្លេចនូវសោកនាដកម្ម វិនាសកម្ម ដែលកើតឡើងដោយ​សង្គ្រាម ។រឿងនេះសំខាន់ ព្រោះ​យើងតែងតែឆាប់ភ្លេច និងទី៥ គឺបំផុសស្មារតីថែមទៀត ឱ្យថែទាំការពារសន្តិភាព បង្កើន​នូវវប្បធម៌ សន្តិភាពនេះ យូរអង្វែង​តរៀងទៅ។

សរុបមកទិវាសន្តិភាពនៅកម្ពុជា ជាសច្ចភាពនៃប្រវត្តិសាស្ត្រ ដែលបង្ហាញពីការលះបង់ដើម្បីបុព្វហេតុជាតិ របស់ឥស្សរជន​ស្នេហាជាតិកម្ពុជា!៕

ដោយ៖មុនី