តូក្យូ ៖ ទិន្នន័យរបស់រដ្ឋាភិបាលជប៉ុនបានបង្ហាញឲ្យដឹងថា អត្រាគ្មានការងារធ្វើនៅក្នុងប្រទេសជប៉ុនមិនផ្លាស់ប្តូរទេកាលពីខែមុន ពោលគឺស្ថិតនៅតួលេខ ២.៥ភាគរយនៅក្នុងខែវិច្ឆិកា ឆ្នាំ២០២៤។

យោងតាមក្រសួងកិច្ចការផ្ទៃក្នុង និងទំនាក់ទំនងជប៉ុន បានឲ្យដឹងថា ចំនួនអ្នកមានការងារធ្វើបានកើនឡើង ០.១ភាគរយ ដល់ ៦៨.០៨លាននាក់ ខណៈដែលអ្នកគ្មានការងារធ្វើបានកើនឡើង ០.៦ភាគរយ ដល់ ១.៧២លាននាក់។

ក្នុងចំណោមអ្នកគ្មានការងារធ្វើ មានមនុស្សដែលស្ម័គ្រចិត្តចាកចេញពីការងាររបស់ពួកគេ បានកើនឡើង ៥.៧ភាគរយ ដល់ ៧៤០,០០០នាក់ ខណៈពេលដែលអ្នកកំពុងស្វែងរកការងារថ្មីបានធ្លាក់ចុះ ៦.៤ភាគរយ ដល់ ៤៤០,០០០នាក់។

ក្រសួង សុខាភិបាល ការងារ និនិងសុខុមាលភាពជប៉ុន បបានបញ្ជាក់ ថា ការផ្តល់ឱកាស ការងារ មាន ការ កើន ឡើង ដោដោយសារតែកង្វះ កម្លាំង ពលកម្ម ប៉ុន្តែ ចំនួន មនុស្ស កាន់ តែ កើន ឡើង កំពុង ស្វែង រក ការងារ ដែល មាន ប្រាក់ ខែ កាន់ តែ ប្រសើរ ខណៈ ដែល ពួក គេ ព្យាយាម ប៉ះប៉ូវ អតិផរណា ខ្ពស់ ។

ក្រសួងបានឱ្យដឹងទៀតថា ការងារផ្នែកឧស្សាហកម្ម បានផ្តល់ឱកាសការងារថ្មីចំនួន ២ភាគរយច្រើនជាងឆ្នាំមុន ដោយផ្តល់ជូននៅក្នុងវិស័យដឹកជញ្ជូន និងសេវាប្រៃសណីយ៍ ខណៈដែលការផ្តល់ឱកាសការងារថ្មីបានធ្លាក់ចុះ ១២.២ភាគរយនៅក្នុងផ្នែកសេវាកម្មសណ្ឋាគារ និងភោជនីយដ្ឋាន៕

ប្រភព ៖ AFP ប្រែសម្រួល ៖ ឈឹម ទីណា