(កណ្ដាល)៖ ឯកឧត្តម ណុប រ័ត្ននិមល បញ្ជាក់ថា កីឡាជាទូតសន្តិភាព ហើយនាំមកនៅសុខភាព មិត្តភាព សាមគ្គីភាព និងនាំចាកឆ្ងាយពីគ្រឿងញៀន ។ ឯកឧត្តម ណុប រ័ត្ននិមល សមាជិកគណៈកម្មាធិការកណ្ដាល និងជាប្រធានក្រុមការងារយុវជនគណបក្សចុះមូលដ្ឋានស្រុកកណ្ដាលស្ទឹង បានថ្លែងដូច្នេះ ក្នុងឱកាសអញ្ជើញ ជាតំណាងឯកឧត្តម កិត្តិសង្គហបណ្ឌិត ហ៊ីង ប៊ុនហៀង សមាជិកគណៈអចិន្ត្រៃយ៍ នៃគណៈកម្មាធិការកណ្ដាល និងជាប្រធានក្រុមការងារគណបក្សចុះមូលដ្ឋាន ស្រុកកណ្ដាលស្ទឹង ខេត្តកណ្ដាល ក្នុងពិធីប្រណាំងទូកត្នោត និងទូកស្មាច់ នៅឃុំព្រែករកា ស្រុកកណ្ដាលស្ទឹង ដើម្បីអបអរសាទរពិធីបុណ្យចូលឆ្នាំសកល កាលពីរសៀលថ្ងៃទី៣១ ខែឆ្នូ ឆ្ឆ្នាំ២០២៤ ។

នៅក្នុងរបាយការណ៍ លោក អ៊ូច សៅយឿន អភិបាលស្រុកកណ្តាលស្ទឹង បានបញ្ជាក់ថា រដ្ឋបាលស្រុក បានរៀបចំការប្រណាំងទូកត្នោត និងទូកស្មាច់ នៅភូមចំបក់គ្រប់ ឃុំព្រែករកា ស្រុក កណ្តាលស្ទឹង ខេត្តកណ្តាល់ ដោយគណៈកម្មការកណ្តាល ១៥នាក់ គណៈកម្មការទូកត្នោត និងទូកស្មាច់ ៤៨នាក់ កីឡាករ ១១៥នាក់ ទូកមានចំនួន ២៤ទូក ក្នុងនោះរួមមាន ទូកត្នោតចំនួន ២០ទូក និងទូកស្មាច់ ចំនួន ៤ទូក ។

ឯកឧត្តម ណុប រ័ត្ននិមល បន្តថា យើងទាំងអស់គ្នា សូមអរគុណចំពោះសន្តិភាព ដោយសារកត្តាប្រទេសជាតិមានសន្តិភាព ទើបមានឱកាស បង្កលក្ខណៈល្អឲ្យយុវជន បានមកជួបជុំលេងកីឡាបានដូចថ្ងៃនេះ ។ ការអុំទូកនេះឡើង គឺដើម្បីចូលរួមចំណែកលើកស្ទួយវិស័យកីឡា និងស្របតាមអនុសាសន៍របស់សម្តេចធិបតី នាយករដ្ឋមន្ត្រី ហ៊ុន ម៉ាណែត បានលើកឡើងថា ប្រជាពលរដ្ឋម្នាក់ ត្រូវលេងកីឡាមួយមុខ ឬឲ្យបានមួយប្រភេទនោះ ។

ឯកឧត្តមបន្តថា កម្ពុជា ពិតជាមានសំណាងណាស់ ដែលមានប្រមុខរដ្ឋាភិបាល សម្តេចធិបតី ហ៊ុន ម៉ាណែត ដឹកនាំប្រទេសជាតិ ធ្វើឲ្យមានសុខសន្តិភាពពេញលេញនៅទូទាំងប្រទេស និងអភិវឌ្ឍន៍រីកចម្រើនលើគ្រប់វិស័យ ។

ឯកឧត្តម ណុប រ័ត្ននិមល បាននាំយកថវិកា នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង និងលោកជំទាវ ប៉ែន ចន្នី
ឧបត្ថម្ភដល់កីឡាករអុំទូកទាំង ២៤ក្រុម ដោយជូនទូកជ័យលាភីលេខ១ ថវិកា ៥០ម៉ឺនរៀល ទូកជ័យលេខ២ ថវិកា ៤០ម៉ឺនរៀល, ទូកលេខ៣ ថវិកា ៣០ម៉ឺនរៀល ក្នុងនោះដែរ ទូកដែលពុំមានចំណាត់ថ្នាក់ ចំនួន ២១ទូក ក្នុង ១ទូក ទទួលបានថវិកា ២០ម៉ឺនរៀល និងភេសជ្ជៈ ៥កេស ទឹកក្រូច ២កេស មី ២កេស ទឹកសុទ្ធ ២កេស ត្រីខ ២យួរ ទឹកស៊ីអ៊ីវ ២យួរផងដែរ ៕

ដោយ ៖ វណ្ណលុក