បរទេស៖ «ប្រហែលជាឆ្នាំ២០២៥ គឺជាឆ្នាំ របស់យើង អ៊ុយក្រែនប្តេជ្ញាថា នឹងធ្វើអ្វីគ្រប់យ៉ាងដើម្បី បញ្ឈប់រុស្ស៊ី និងបញ្ចប់សង្រ្គាម» នេះគឺជាសារថ្លែងឆ្លងឆ្នាំរបស់ លោក ប្រធានាធិបតីអ៊ុយក្រែន Zelensky។

លោក បានសន្យាថា នឹងតស៊ូដើម្បីសន្តិភាព នៅឆ្នាំ ២០២៥ ដោយសង្កត់ធ្ងន់លើតម្រូវការ សម្រាប់អ៊ុយក្រែនដ៏រឹងមាំ ចំពេលមានការឈ្លានពានរបស់រុស្ស៊ីដែលកំពុងបន្ត។ ជាមួយនឹងការផ្លាស់ប្តូរសក្តានុពល នៅក្នុងការគាំទ្ររបស់សហរដ្ឋអាមេរិក ក្រោមការដឹកនាំរបស់លោក Trump លោក Zelensky នៅតែមានសុទិដ្ឋិនិយមអំពីការសម្រេចបាននូវសន្តិភាព និងការទទួលបានមកវិញនូវទឹកដី ដែលបាត់បង់។

ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអង្គារ បានប្តេជ្ញាថា ប្រទេសរបស់លោកនឹងប្រើប្រាស់ឆ្នាំ ២០២៥ ដើម្បីប្រយុទ្ធប្រឆាំងនឹងការបញ្ចប់ការឈ្លានពានរយៈពេលជិត ៣ ឆ្នាំរបស់រុស្ស៊ី ដោយមធ្យោបាយណាមួយដែលចាំបាច់។

លោក Zelensky បាននិយាយ នៅក្នុងសុន្ទរកថាទៅកាន់ប្រទេសនេះថា « ប្រហែល២០២៥ គឺជាឆ្នាំរបស់យើង..យើងដឹងថា សន្តិភាពនឹងមិនត្រូវបានផ្តល់ឱ្យយើងជាអំណោយទេ ប៉ុន្តែ យើងនឹងធ្វើអ្វីគ្រប់យ៉ាងដើម្បីបញ្ឈប់រុស្ស៊ី និងបញ្ចប់សង្រ្គាម»។

មេដឹកនាំអ៊ុយក្រែនរូបនេះ បាននិយាយទៀតថា «ជារៀងរាល់ថ្ងៃ នៅក្នុងឆ្នាំ ខាងមុខនេះ ខ្ញុំ និងយើងទាំងអស់គ្នា ត្រូវតែតស៊ូដើម្បីអ៊ុយក្រែន ដែលមានកម្លាំងគ្រប់គ្រាន់ ទាំងនៅក្នុងសមរភូមិ និងនៅតុចរចា»។
ប៉ុន្តែ Zelensky ហាក់ដូចជាមិនសប្បាយចិត្តចំពោះការវិលត្រឡប់របស់លោក Trump ។
«ខ្ញុំមិនមានការងឿងឆ្ងល់ទេថា ប្រធានាធិបតីអាមេរិកថ្មីមានឆន្ទៈ និងសមត្ថភាពក្នុងការសម្រេចបាននូវសន្តិភាព និងបញ្ចប់ការឈ្លានពានរបស់ពូទីន ឬ យ៉ាងណាទេ»៕

ប្រភពពី AFP ប្រែសម្រួល៖ សារ៉ាត