(ភ្នំពេញ)៖ ដោយមានការយកចិត្តទុកដាក់ពីគណៈបញ្ជាការឯកភាពរដ្ឋបាលខណ្ឌ អធិការនគរបាលខណ្ឌច្បារអំពៅ លោក ម៉ៅ សឿត អធិការនគរបាលខណ្ឌ ដឹកនាំកម្លាំងជំនាញ នៃអធិការដ្ឋាននគរបាលខណ្ឌច្បារអំពៅ ធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យ បានជាបន្តបន្ទាប់ ចំនួន ៥នាក់ ក្នុងករណីធ្វើឲ្យខូចខាតដោយចេតនា និងកាន់កាប់អាវុធគ្មានច្បាប់អនុញ្ញាតិ (ដាវ) នៅចំណុចមុខផ្សារច្បារអំពៅ ផ្លូវ៣៦៩ ភូមិកណ្ដាល សង្កាត់ច្បារអំពៅ២ ខណ្ឌច្បារអំពៅ កាលពីយប់ថ្ងៃទី១៣ ខែមករា ឆ្នាំ២០២៥ ម៉ោង២១និង២០នាទី។

លោកវរសេនីយ៍ឯក ម៉ៅ សឿត អធិការខណ្ឌច្បារអំពៅ បានអោយដឹងថា ៖
១-ជនរងគ្រោះ ឈ្មោះ សំណាង មាន ភេទប្រុស អាយុ ១៧ឆ្នាំ ជនជាតិខ្មែរ មុខរបរលក់ដូរ។
២-ជនរងគ្រោះឈ្មោះ សុខ ស្រីណុច ភេទស្រី អាយុ ១៧ឆ្នាំ ជនជាតិខ្មែរ មុខរបរ លក់ដូរ។
ទាំង២នាក់ ស្នាក់នៅភូមិកណ្ដាល សង្កាត់ច្បារអំពៅ២ ខណ្ឌច្បារអំពៅ។

ចំណេកជនសង្ស័យឃាត់ខ្លួន ០៥នាក់ ៖
១-ឈ្មោះ ប៉ាវ ស៊ីណាង ភេទ ប្រុស អាយុ ២០ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិព្រះពន្លា សង្កាត់ ព្រែកប្រា ខណ្ឌច្បារអំពៅ (ជនដែដល់)។
២-ឈ្មោះ ថៃ ប៊ុនថន ភេទ ប្រុស អាយុ ១៩ឆ្នាំ ជនជាតិខ្មែរ មុខរបរគ្មាន ស្នាក់នៅ ភូមិព្រះពន្លា សង្កាត់ព្រែកប្រា។
៣-ឈ្មោះ លន់ វិល្លៀម ភេទ ប្រុស អាយុ ១៩ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ។
៤-ឈ្មោះ ហេង គ្រីស្តាល់ ភេទ ប្រុស អាយុ ១៩ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិតាងៅ សង្កាត់ និរោធ។
៥-ឈ្មោះ ឃឹម ដារ៉ាយុទ្ធ ភេទ ប្រុស អាយុ ១៦ឆ្នាំ ជនជាតិ ខ្មែរ មុខរបរ សិស្ស ស្នាក់នៅភូមិតាងៅ សង្កាត់ និរោធ។

បើតាមហេតុការណ៍ ៖ មុនពេលកើតហេតុ ក្រុមជនរងគ្រោះ ៤នាក់ (ស្រី១នាក់) ជិះម៉ូតូ ២គ្រឿង (ម៉ាកSuzuki Nex ពណ៌សលាយ ខៀវ ផ្លាកលេខ ភ្នំពេញ ១IM-៧០៧២ និងម៉ាកScoopy ពណ៍ក្រហម ផ្លាកលេខ ភ្នំពេញ ១JE-៤៩៣៥) មើលមុខពួកជនសង្សយ័ ស្រាប់តែជនសង្ស័យ ៨នាក់ រួមមាន ៖ ឈ្មោះ ប៉ាវ ស៊ីណាង, ឈ្មោះថៃ ប៊ុនថន, ឈ្មោះ ឃឹម ដារ៉ា, ឈ្មោះ លន់ វិល្លៀម, ឈ្មោះ ហេង គ្រីស្តាល់, ឈ្មោះ អ៊ីត, ឈ្មោះ រាជ និងឈ្មោះ ចាន់ ។

ក្រុមនេះ ជិះម៉ូតូ ៣គ្រឿង ដេញតាមពីក្រោយមកដល់មុខផ្សារច្បារអំពៅ ជនរងគ្រោះភ័យ ក៏ផ្តួលម៉ូតូរត់ ហើយត្រាុវពួកជនសង្ស័យ ក៏យកដាវកាប់ម៉ូតូជនរងគ្រោះ បែកក្បាលម៉ូតូ-កាត់កាប៊ូ ក្រោយ១គ្រឿង និង១គ្រឿងទៀតបែកស្ដុបស៊ីញ៉ូមុខខាងស្ដាំ រួចពួកជនសង្ស័យ ជិះម៉ូតូគេចខ្លួន។ លុះដល់ថ្ងៃទី១៤ ខែមករា ឆ្នាំ២០២៥ ម៉ោង៨និង៥០នាទី សមត្ថកិច្ចបានឃាត់ខ្លួនបានជនសង្ស័យជាបន្តបន្ទាប់ សរុប៥នាក់ ឈ្មោះប៉ាវ ស៊ីណាត, ឈ្មោះថៃ ប៊ុនថន, ឈ្មោះឃឹម ដារ៉ាយុទ្ធ, ឈ្មោះលន់ វិល្លៀម, ឈ្មោះ ហេង គ្រីស្តាល់ និងដកហូតវត្ថុតាង ដាវ១ដើម, កូនកាំបិតផ្គាក់ ១, ម៉ូតូ ៣គ្រឿង បញ្ជូនមកអធិការដ្ឋាន នគរបាលខណ្ឌច្បារអំពៅ ចាត់ការតាមច្បាប់ ៕

ដោយ ៖ វណ្ណលុក