បរទេស៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានអបអរសាទរលោក ដូណាល់ ត្រាំ នៅថ្ងៃចូលកាន់តំណែង ជាប្រធានាធិបតីអាមេរិក ហើយអំពាវនាវឱ្យមាន «សន្តិភាពយូរអង្វែង» នៅអ៊ុយក្រែន។

ប្រធានាធិបតី ពូទីន អបអរសាទរ ដល់លោក ត្រាំ ក្នុងពិធីចូលកាន់តំណែង អាណត្តិទីពីរ ដែលចាប់ផ្តើមពីថ្ងៃអង្គារ នេះតទៅ។
តាមរយៈសុន្ទរកថា លោក ពូទីន បាននិយាយថា «ការផ្អាកណាមួយនៅក្នុងការប្រយុទ្ធគ្នា ក្នុងប្រទេសអ៊ុយក្រែន មិនគួរត្រឹមតែ ជាការសម្រាក ដើម្បីការប្រមូលផ្តុំកម្លាំងឡើងវិញទេ ប៉ុន្តែ គួរតែ ជាសន្តិភាពយូរអង្វែង ដោយលោកអះអាងថា «ដោយផ្អែកលើការគោរពផលប្រយោជន៍ស្របច្បាប់ របស់ប្រជាជនទាំងអស់»។ លោក ពូទីន បញ្ជាក់ថា «យើងក៏បើកចំហផងដែរ ក្នុងការសន្ទនាជាមួយរដ្ឋបាលថ្មីរបស់សហរដ្ឋអាមេរិក ស្តីពីជម្លោះអ៊ុយក្រែន» ។

លោក Trump បាននិយាយថា លោកមានបំណងបញ្ចប់ជម្លោះ យ៉ាងឆាប់រហ័ស ដោយមិនបានបញ្ជាក់ ពីរបៀបណានោះទេ។
លោក ពូទីន បាននិយាយថា លោកស្វាគមន៍ បំណងប្រាថ្នារបស់លោក Trump ក្នុងការទប់ស្កាត់សង្គ្រាម លោកលើកទី៣ ។ លោកបាននិយាយថា «យើងពិតជាស្វាគមន៍ ឥរិយាបថនេះ និងអបអរសាទរលោក ប្រធានាធិបតីជាប់ឆ្នោត របស់សហរដ្ឋអាមេរិក ក្នុងការចូលកាន់តំណែង»៕

ប្រភពពី AFP ប្រែសម្រួល៖ សារ៉ាត