(ភ្នំពេញ)៖កម្មវិធីបវរកញ្ញាកម្ពុជា ឈ្មោះថា «Miss Cosmo Cambodia 2025» ត្រូវបានរៀបចំឡើងដោយមិនត្រឹមតែជាវេទិកាប្រកួតសម្រស់ ប៉ុណ្ណោះទេ ថែមទាំងជាវេទិកាមួយដែលស្ត្រីអាចទទួលយកភាពជា បុគ្គល របស់ពួកគេ និងបង្កើតការផ្លាស់ប្តូរជាវិជ្ជមាននៅក្នុងសហគមន៍។

នេះបើយោងតាមព្រះរាជបន្ទួល ព្រះនាងតូច នរោត្តម ជេនណា ក្នុងនាមជា អគ្គរាជទូត MISS Cosmo Cambodia កាលពីថ្ងៃទី២០ ខែមករា ឆ្នាំ២០២៥ ទ្រង់សព្វព្រះរាជហឬទ័យ យាងជា ព្រះរាជអធិបតី ក្នុង សន្និសីទសារព័ត៌មាន MISS Cosmo Cambodia 2025 នៅMorgan ជាមួយការចុះហត្ថលេខាពង្រឹងកិច្ចសហការបញ្ជាក់អំពីភាពជាដៃគូ ក្នុងបេសកកម្មរួមគ្នានៃការលើកកម្ពស់សម្រស់ជាមួយនឹងគោលបំណង និងការផ្តល់សិទ្ធិអំណាចដល់ស្ត្រីដើម្បីបង្កើតការផ្លាស់ប្តូរប្រកបដោយអត្ថន័យ។ ពិធីនេះក៏មានការអញ្ជើញចូលរួមពីលោកជំទាវ នៅ សូនីតា អនុប្រធានសមាគមសិល្បករខ្មែរ និងតារាបង្ហាញម៉ូត តារាសម្ដែង ជាច្រើនកុះករ។

ក្នុងនាមជាឯកអគ្គរដ្ឋទូតកិត្តិយស ព្រះនាង ជេនណា នឹងដើរតួយ៉ាងសំខាន់ ក្នុងការលើកកម្ពស់បេសកកម្មរបស់កម្មវិធីប្រកួតប្រជែងក្នុងការរួមបញ្ចូលការពង្រឹងអំណាចទំនើបជាមួយនឹងប្រពៃណីជានិរន៌្តរបស់កម្ពុជា។ វត្តមានរបស់ ព្រះនាង នឹងជំរុញទឹកចិត្តបេក្ខនារីឱ្យបញ្ចូលតម្លៃនៃការដឹកនាំ និងមោទនភាព វប្បធម៌។

លោកស្រី Tiffany Vu នាយកប្រតិបត្តិ នៃ Influence Media បានបញ្ជាក់ដោយការផ្តោតលើការជំរុញភាពជាអ្នកដឹកនាំ ការតស៊ូមតិ និងឱកាសសម្រាប់ស្ត្រីកម្ពុជាដើម្បីបង្កើតការផ្លាស់ប្តូរដ៏មានអត្ថន័យនៅក្នុងសហគមន៍របស់ពួកគេ។ តួនាទីរបស់លោកស្រីជានាយកថ្នាក់ជាតិសន្យាថា នឹងមានទិសដៅថ្មីនិងស្វាហាប់សម្រាប់ការប្រកួត។

សម្រាប់ Miss Cosmo អ៊ិន លក្ខិណា ចាត់ទុកថា នេះមិនត្រឹមតែជាការ​ប្រកួតសម្រស់ប៉ុណ្ណោះទេ វាគឺជាដំណើរផ្លាស់ប្តូរដែលផ្តល់អំណាចដល់នាង ក្នុងការដឹកនាំប្រកបដោយគោលបំណង និងលើកទឹកចិត្តអ្នកដទៃ។

ជាមួយនឹងបទពិសោធន៍ជាច្រើនឆ្នាំនៅក្នុងឧស្សាហកម្មបវរកញ្ញាពិភព លោក Henry នាយកប្រតិបត្តិ Miss Cosmo បានចាត់ទុក Miss Cosmo ជាវេទិកា​ផ្លាស់ប្តូរដែលលើសពីស្តង់ដារសម្រស់បែបប្រពៃណី។

លោក Henry បានសង្កត់ធ្ងន់ថា Miss Cosmo មិនមែនគ្រាន់តែ ជាការ​ឈ្នះ​ពាន​រង្វាន់ទេ វាគឺជាការផ្តល់សិទ្ធិ អំណាចដល់ស្ត្រីដើម្បីបង្កើតការផ្លាស់​ប្តូរ​ដ៏មានអត្ថន័យ និងតំណាងឱ្យវប្បធម៌របស់ពួកគេនៅលើឆាកពិភពលោក” ។ ទស្សនៈវិស័យរបស់លោក Henry សម្រាប់ Miss Cosmo International គឺស្របនឹងបំណងប្រាថ្នារបស់ប្រទេសកម្ពុជា ក្នុងការ​បង្ហាញពីទេពកោសល្យ និងបេតិកភណ្ឌរបស់ខ្លួន។ ក្រោមការ​ណែនាំរបស់​លោក កម្ពុជាបានរីកចម្រើន ទៅជាសញ្ញានៃការផ្តល់សិទ្ធិអំណាចដល់​ស្ត្រី​ទូទាំងប្រទេស៕

ដោយ ៖ ង៉ាន់ ទិត្យ
រូបភាព ៖ រិន រចនា