ក្លឹបយក្សអ៊ីតាលី AC Milan បានផ្ទេរខ្សែប្រយុទ្ធសញ្ជាតិប៉ូឡូញ Krzysztof Piatek ជាផ្លូវការណ៍ តាំងពីថ្ងៃទី២២មកម្ល៉េះ ក្នុងតម្លៃខ្លួន៣៥លានអឺរ៉ូ ព្រមទាំងតម្លៃពលកម្ម ២លានអឺរ៉ូ ក្នុងមួយឆ្នាំពីក្លឹប Genoa FC ពោលគឺ២ថ្ងៃមុនដែល Chelsea នាំយកកីឡាករ Gonzalo Higuain ទៅទឹកដី Stamford Bridge។

គួររំលឹកថា ពេលចុះកិច្ចសន្យាដំបូងខ្សែប្រយុទ្ធវ័យ២៣ឆ្នាំខាងលើនេះ ត្រូវបានក្លឹបផ្តល់លេខអាវ១៩ ប៉ុន្តែក្រោយការចាកចេញរបស់ខ្សែប្រយុទ្ធខ្ចីជើងពី Juventus ទៅកាន់ទីក្រុងឡុងដ៍ ធ្វើឲ្យលេខអាវដែលទំនេរ ពោលគឺលេខ៩ បានធ្លាក់មកដល់រូបគាត់ផ្ទាល់តែម្តង ។

កីឡាករវ័យជ្រេ Gonzalo Higuain បានបោះបង់អាវលេខ៩ របស់ក្លឹប AC Milan ដើម្បីទៅចូលរួមជាមួយតោខៀវ Chelsea ជាផ្លូវការណ៍ ខណៈពេលនេះក្លឹបអ៊ីតាលីក៏បានរកម្ចាស់អាវលេខ៩ថ្មីផងដែរនោះគឺ Krzysztof Piatek ៕