ក្នុងជំនួបពិភាក្សាដែលធ្វើឡើងនៅទីក្រុងប្រ៊ុយសែល ប្រទេសបែលហ្ស៊ិក កាលពី​រសៀលថ្ងៃទី១៨ ខែតុលា ឆ្នាំ២០១៨ម្សិលមិញ សម្តេចតេជោនាយករដ្ឋមន្រ្តី និងលោកជំទាវ ហ្វែដឺរីកា បានធ្វើការ​ផ្លាស់ប្តូរ​មតិគ្នា ក្នុងការជំរុញកិច្ចសហប្រតិបត្តិការគ្នាលើគ្រប់វិស័យរវាងកម្ពុជា និងសហភាពអឺរ៉ុប។ សម្តេចតេជោបានគត់សំគាល់ នូវការពេញចិត្តអំពីវឌ្ឃនភាពដែលកម្ពុជា និងសហភាពអឺរ៉ុប​ សម្រេច​បានក្នុងរយៈពេលកន្លងមក បើទោះបីជាមានបញ្ហាកើតឡើងក្នុងពេលថ្មីៗនេះ ក៏ពិតមែន។ ជាមួយគ្នានេះភាគីទាំងពីរបានឯកភាពគ្នា ក្នុងការជំរុញឲ្យក្រុម ការងារ នៃភាគីទាំងពីរបន្តធ្វើការ​ជាមួយគ្នា ក្នុងលក្ខណៈជាដៃគូ នៃកិច្ចសហប្រតិបត្តិការដែលបានអនុវត្តនាពេលកន្លងមក។ ថ្នាក់ដឹកនាំនៃប្រទេសទាំងពីរក៏បានលើកឡើងរួមគ្នា ក្នុងការ បន្តដោះស្រាយនូវរាល់បញ្ហាប្រឈម​មួយចំនួន ក្នុងន័យពង្រឹងកិច្ចសហប្រតិបត្តិការរវាងប្រទេសកម្ពុជា និងគណៈកម្មការសហភាព អឺរ៉ុបឲ្យកាន់តែទទួលបានលទ្ធផលខ្ពង់ខ្ពស់ថែមទៀត៕