ក្រសួងអប់រំចេញលិខិតព្រមានផ្អាកសកម្មភាព ប្រកួតបាល់ទះមិត្តភាពក្រៅផ្លូវការ មួយចំនួនក្រោយសង្កេតឃើញមានទស្សនិកជនចូលរួមយ៉ាងច្រើនកុះករ
អត្ថបទដោយ៖
សារ៉ាន ទីងី
បើតាមលិខិតរបស់ក្រសួងអប់រំ យុវជន និងកីឡា ដែលចុះហត្ថលេខាដោយឯកឧត្ដមរដ្ឋលេខាធិការ ស សុខា តំណាងឯកឧត្ដមរដ្ឋមន្ត្រី ហង្ស ជួនណារ៉ុន ផ្ញើទៅកាន់អភិបាលរាជធានី ខេត្តទាំងអស់បានឲ្យដឹងថា ក្រសួងសង្កេតឃើញកន្លែងលេងកីឡាជាពិសេសទីលានបាល់ទះតាមតំបន់ខ្លះ មិនគោរពតាមការណែនាំរបស់គណៈកម្មការប្រយុទ្ធប្រឆាំងជំងឺកូវីដ-១៩អន្តរក្រសួង និងក្រសួងអប់រំឡើយ ដោយបើកឲ្យទស្សនិកជនចូលមើលយ៉ាងច្រើនកុះករ ដែលបង្កគ្រោះថ្នាក់ខ្ពស់សម្រាប់ការចម្លងជំងឺកូវីដ-១៩រលកទី២។
នៅចំពោះមុខបញ្ហានេះដែរ ក្រសួងបានស្នើឲ្យអភិបាលខេត្ត-រាជធានីទាំងអស់ត្រួតពិនិត្យឡើងវិញ ហើយធ្វើការណែនាំ ព្រមទាំងផ្អាកសកម្មភាពចំពោះកន្លែងដែលមិនគោរពតាមគោលការណ៍ណែនាំសុខភាព៕
សារ៉ាន ទីងី
លោក សារ៉ាន ទីងី ជាអ្នកសរសេរព័ត៌មានកីឡា មានជំនាញផ្នែកកាត់-ត វីដអូ អាចថតសរសេរ អត្ថបទ បញ្ចូលសម្លេង។ សព្វថ្ងៃ លោកមានតួនាទីផលិតព័ត៌មានកីឡា ដាក់ទាំងវេបសាយ ទាំងទូរទស្សន៍របស់ស្ថាននីយវិទ្យុ និងទូរទស្សន៍អប្សរា។
