ជំនន់ទឹកភ្លៀងបានបង្ករឲ្យប៉ះពាល់ដល់ទៅ ១៩  រាជធានី  ខេត្ត  ស្រុក  ខណ្ឌ   នៅទូទាំងប្រទេស រួមមាន៖ ខេត្ត ពេធិ៍សាត់ ប៉ៃលិន បន្ទាយ មានជ័យ បាត់ដំបង ស្វាយរៀងឧត្តរមានជ័យ សៀមរាប តាកែវ កំពង់ស្ពឺ មណ្ឌលគីរី កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង កំពង់ធំ ព្រះសីហនុ និងរាជធានីភ្នំពេញ។នេះយោងតាមរបាយការណ៏របស់គណកម្មាធិការជាតិគ្រប់គ្រងគ្រោះមហន្តរាយដែលគិត​ចាប់ពីថ្ងៃទី១ខែកញ្ញា  ដល់ថ្ងៃទី១៩ ខែតុលា  ឆ្នាំ២០២០ ។

តាមរបាយការណ៏បានឲ្យដឹងទៀតថា៖ប្រជាពលរដ្ឋដែលប៉ះពាល់ដោយគ្រោជំនន់ទឹកភ្លៀង មានចំនួន ៧ម៉ឺន ៨ពាន់ ៥៦គ្រួសារ ស្មើរនឹងប្រមាណជា ៣សែន ១ម៉ឺន២ពាន់២២៤នាក់ ។ ប្រជាជនដែលត្រូវជម្លៀសចេញពីលំនៅដ្ឋាន មានចំនួន ៩ពាន់ ៣៤៩គ្រួ-សារ ស្មើនឹងប្រមាណជា ៣ម៉ឺន ៧ពាន់ ៣៩៦នាក់ ។     ប្រជាជនដែលបានស្លាប់ដោយគ្រោះជំនន់ទឹកភ្លៀង មានចំនួន ២៥នាក់       ចំពោះលំនៅដ្ឋានដែលប៉ះពាល់ មានចំនួន៧ម៉ឺន ៣ពាន់  ៧២០ខ្នងផ្ទះ និងខូចខាតចំនួន ៥៦ខ្នងផ្ទះ ។ឯសាលារៀនដែលលិចទឹកមានចំនួន ៥៦៨កន្លែង   ស្រូវលិចទឹកប្រមាណជា ២សែន ១ម៉ឺន ៣ពាន់ ២៨៩ហិកតា        និងដំណាំរួមផ្សំដែលលិចទឹកចំនួន ៧ម៉ឺន ៩ពាន់៨៨៨ហិកតា ។  ផ្លូវជាតិ ផ្លូវខេត្ត ផ្លូវគ្រួសក្រហម ប៉ះពាល់ប្រមាណជា ៣៩៣គីឡូម៉ែត្រផ្លូវលំជនបទលិចទឹក ប្រមាណជា ១ពាន់ ៤៦៧គីឡូម៉ែត្រ ទំបន់ប៉ះពាល់ប្រមាណជា២៤  គីឡូម៉ែត្រ ប្រឡាយមេប៉ះពាល់ប្រមាណជា ១៩៧ គីឡូម៉ែត្រ ប្រឡាយរងប៉ះពាល់ ប្រមាណជា ១៤១គីឡុម៉ែត្រ ប្រឡាយស្រោចស្រពប៉ះពាល់ប្រមាណជា ៨៥ គីឡូម៉ែត្រ ៕